Emkaam wow pynchlur ko ya ki bru samen wow sumaar ya uwi pa uwi u dieñ wa thung ki: Conrad Sangma

Jowai: U montri rangbah ka jylla, u Conrad K. Sangma ynne da phah u ya ka Meghalaya State Council for Climate Change and Sustainable Development wow thooh ki laad wow pynduna yei chah ktah i kylla i suiñ bneiñ namo Climate Change deiwa pyllai yumut wow sdang ya ki kreh deiwa pyrkhat ya ka rymaw hapoh ka jylla.

Hawa klam da ong u wa i ktah ka Climate Change man i iwa eh bha, da phah u ya ka Council wow sdang u pynsñiawthooh ya ki paidbah wow pynduna ki yei bordiñ (energy) wa pynemkaam ki ha ki kor namo ki yung wei wa emkaam wow yada ya ki mar wa e ka rymaw.

Da ong u ya ka Council wa ka sorkar em ko ki thong krehkaam wa ki luti wow pynneh pynsah yei bor wa e ka rymaw lada ha ka rep ka riang, ka kaam uiñke suwari wa kiwi kiwi.

U Conrad da pachat u ya ka yumut wa emkaam u pynchlur ya i rukom kreh iwa yada ya ka rymaw namo wa tip leh kam ka Eco-friendly Infrastructure khamtam wa yatoh wa ki kaam uiñke suwari.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa ka imlang sahlang emkaam wow pynchlur ko ya ki bru samen wow sumaar ki ya uwi pa uwi u dieñ wa dadep thung hapoh ka Campaign – “One Citizen, One Tree”.

Hawa klam hajrong i man kyrpang u siej u chken, u Conrad da ong u wa ka Bamboo Mission toh u pynkhlan bha ya ka yow duna i wanrah ya kini ki mar na baar jylla, ka wow ye leh wow pynkhlan ya ki karkhana kiwa yatoh wa kini ki mar.

Kiwi kiwa da em ha kani ka sngi toh ka Agatha K. Sangma, kawa da man kam ka chongknor ha kani ka sngi, u Commissioner and Secretary to the Government of Meghalaya and CEO, Meghalaya Basin Development Authority (MBDA) P. Sampath Kumar, u Chief Secretary ka jylla, u Y. Tsering, Principal Secretary Forest and Environment, R.V Suchiang, wa kiwi kiwi.