U National President ka National People’s Party (NPP) uwa man leh u Montri Rangbah ka jylla, u Conrad K Sangma hawa e yei klam ynne ka sngi ha ka NPP Regional Conclave hajrong ka phang “Regional Aspiration, National Outlook” ha nongbah Itanagar da ong u wa ka thaaiñ mihsngi ye ko wow man kam ka Economic Zone namo ka khayi pateiñ wa khlan bha hapyrdi ki jylla.
Da ong u wa da jooh klam u wa u Montri Rangbahdooh ka ri heiwa kammon wow pynkhlan ya i khayi pateiñ hapyrdi ki jylla ka thaaiñ mihsngi heiwa da em ki ki mar kiwa wan na baar bait tæ da emkaam wow pynmih ya ki Policy wow pynkhlan ya i kaam katkam wa man ki jylla.
U Conrad da e nongmuna u wa ka Assam man ko ka jylla kawa ye u pynkhlan yei pynmih dakha (Aquaculture) wei ha ka jylla Meghalaya emkaam ko hadooh 33,000 Metric Ton ka dakha wei em hadooh 70% ki dakha toh kiwa wan na baar ka thaaiñ mihsngi.
Chooh chooh da ong u wa da em boon kiwa beiñ (Critics) ya oo heiyatoh wa ki kaam wa kreh u tangwa ini toh i kaam yong ki wei da em leh hadien wa thoh ki da yaklam ya parom ki wa oo, wei ini man i iwa lai-bait kamwa jooh man (Normal) wei ha ka juk wa katni em ki jar jiar ki thong krehkaam yong ki heiwa em jar jiar i rukom pyrkhat yong ki.
