Emkaam wow pynneh pynsah ya ki dieñ ki siej ka Wyrta na ka Behdieñkhlam ka Raij Mukhla

Ynne ka sngi ka lehniam Behdieñkhlam ki khon ka Raij Mukhla da poi ko cha wakut heiwa u Symbood Montri Rangbah ka jylla u Sniawbhalang Dhar da man u kam u kongsan hei emlang u MLA ka Jowai, u Wailadmiki Shylla wa u MLA ka Umroi, u Damanbait Lamare.

Ha kani ka sngi da em leh u Dolloi ka Elaka Jowai, u Puramon Kynjing, ki MDC ka JHADC kam u Ailad Bhoi, u Evening Teron wa kiwi kiwi.

Kani ka lehniam kawa tip leh kam ka lehniam Soo Sngi Le Yaaw, da sdang ko nadooh ka Pynsiñ ka 15 tarik uni u bnai wei da pynkut ynne ka Muchai ka 18 tarik.

Neiliang ka Raij da e kti ko ya ka dorkhat ha u Sniawbhalang Dhar heiyatoh wow chna pynmiat ya ka Biar ka Aitnar nadooh ki thaw paitke wa kiwi kiwi.

Related posts

Chongkun ka Behdieñkhlam ka Raij Muthlong chirup ka wyrta chula wow yakhun yei drugs

August 8, 2025

Phooh phieñ ka Behdieñkhlam 2025 ka Raij Ialong | Rs. 10 lak yoh yarap yow chna ya ka yung Seiñraij

August 7, 2025

U Wailadmiki Shylla hawa e yei klam da ong u wa emkaam wow yada u pynneh pynsah ya ki dieñ ki siej khnang wow ye u yada ya ka pyrthai waroh kawi.

Heijooh i por da ong u wa kani ka Behdieñkhlam man ko ym du ka lehniam tangwa riñ ko leh ya kiwa uiñke pyrthai na kylleiñ ka ri.

Neiliang u Sniawbhalang Dhar hawa e yei klam kam u kongsan da e khublei u ya ki khon ka Raij Mukhla heiwa da ong u wa man ko ka lehniam kawa lai bait lai ryntih.

Heiyatoh wa ka dorkhat wa da e kti ha oo, da kular u wow yaklam wow pynbiang ya ka thaw chongke wa ka thaw pynyieñ kari.

Ynne ka sngi da wanrah hadooh 12 tylli ki rot ki rong kiwa rah ya ka Wyrta wow pynneh pynsah ya ki dieñ ki siej khnang wow ye u yada ya ka pyrthai, wow kiar na ki jait dih pynmuaid kiwa ktah ya i doh i pran yong i ki bru.