Ka Congress kawa em hei liang pyrchah, ynne ka sngi hapoh ka Yung Dorbar Mang Tangka da wanrah ko yei yaklam hajrong i emkaam wow pynpliah wei pynryntih yei rukom thoh i tar deiwa pyrkhat ya ki ktien ka jylla yow pynneh pynsah ya i ktien Khasi wa Garo.
U MLA ka Umroi u George B. Lyngdoh da ong u wa hadien ka Meghalaya Assembly da phah ko yaka rai cha ka sorkar India yow kynthup lang ya i kiten Khasi wa Garo hapoh ka 8th Schedule ka Constitution, da man ko wa emkaam yaka jylla wow pynkhreh wow jop ya ki moochynthut heiyatoh wa i rukom thoh yei ktien, ki dak wa kiwi kiwi iwa emkaam ha i ktein Khasi wa Garo.
U Lyngdoh da ong u leh wa toh u em yei tipmit wa pura ya ki kyntien wa i rukom thoh ya ki yow lait u yaphær iwi na iwi.
“Ha i ktien Khasi dang em i phær hei rukom thoh dak ya ki kattu katni ki kyntien iwa da pynkulmar nadooh ya kiwa thoh kot, kiwa lai puræ wa ki bru paidbah,” da ong u MLA ka Umroi.
Da ong u leh wa haka pyrthai Internet wa katni kamjooh i em ki Social Media da man ko ka kabu kamjooh i eh neidaw wa da emkaam wow booh yaka Online Dictionary waka Online Translation cha i ktien yong i hi.
Hawa e yei jubab, u Montri Rangbah, u Conrad K. Sangma da ong uwa ka Yung Dorbar ka sorkar jylla haka 27-11-18 da chim ko yaka rai yow kynthup ya i ktien Khasi wa Garo hapoh ka Eight Schedule ka Constitution.
Da ong u wa ka sorkar pyrdi nadooh ki warim wa kiwa katni tip ki ya ini wei yei thrang ki paidbah wei ka sorkar leh pyrkhat kammon wow lai chakhmat.
U Conrad da ong u leh wa lada ki ktien kiwa em katni 38 tylli kiwa yang wow psiah, u tipmit noh yaki hapoh ka Eight Schedule, daw wanrah ko yei yatylli yong waroh ki jaitbru ri-loom wa kiwi kiwa em haka imlang sahlang.
“Ye ko wow man iwa syad tangwa heini da ya emlang i wow dawa yow tipmit noh ya i ktien yong i iwa daw phah leh yaka khubor wa khlan,” da ong u Conrad.
Da ong chooh chooh u wa dang emkaam wow lai yaklam wei booddien yow pyntikna wa ka ktien Khasi wa Garo daw psiah ko hapoh ka Eight Schedule.