Emkaam wow wai biang u tih mooyong deiwa em ki kyndon wow yada ya ka rymaw wa ki wakreh: Conrad

Jowai: U Montri Rangbha ka jylla, u Conrad Sangma hawa yaklamu wa kiwa pathai khubor ynne ka sngi hei yatoh wa i chah khang wow tih mooyong wei i chah kset ki 15 ngut ha ka krem mooyong wa em ha Ksan, EJH da ong u wa i khang ya ini i rukom tih mooyong wa tip leh kam i Rat-Hole Mining ym toh iwa suk u leh tangwa ye u thooh laad wa kammon i rukom tih mooyong wow man i katkam ka aiñ wei emkaam nyngkong wow pyrkhat ya ka rymaw wei wow yada ya kiwa kreh wei ki kyndon u man ki heitæ i rukom wa ym ktah ko ya ki bru wa khih mooyong.

Da ong u leh wa i jia kam iwa katni ha Ksan da jia i iwa yasariem kamni nadooh ki por yong kiwi ki sorkar wei da kem ki pulit wei ki mukotduma dang lai ki chakhmat wei da kem leh ya kiwa tih mooyong pyrchah ya ka aiñ wei ka sorkar da yaleh ko wow pynsangeh ki tang man i iwa eh ya ka sorkar wow leh ya ini deiwa e nongmuna ya iwa jia ha Ksan iwa em 45 Km na ki chnong wa heh wei ki pulit ymye ki wow lai cha waroh kini ki thaw kamtæ ka luti wa biang dooh wow lai chakhmat deiwa thooh laad kammon wow chah u tih mooyong yow lait u jia biang kamni kamjooh leh wow yada ya ka rymaw.

Hawa kylli won yei lutsan wow sai ya kiwa chah kset da ong u wa i lut em hi i wei ka sorkar ka da pynbiang ko ya ka poisa wa emkaam wei ymtoh iwa suk wow wanrah ya ki Pump chadooh cha Ksan wei kini ki Pump toh kiwa emkaam phniang (Petrol-Diesel) chiboon bha wei du wow kit ya kini ki Pump da haap pynemkaam lieñsuiñ ka Air Force wei ka sorkar da pynbiang ko ya ki truck wa kiwi kiwa emkaam yow pynpoi ya kini ki Pump cha Ksan tangwa kattæ ym em pyrkhat ya ka poisa neibhah emkaam wow pynlait chwa ya kiwa chah kset.

Da ong u leh ymtoh i por wow pynman Politics ya kani ka kaam neibhah ka sorkar da yaleh ko katwa ye wei da yoo leh manda wan kiwa chemphang ha kani ka kaam chimpor ko wow pynlait ya kini ki bru (napoh ka krem).

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Chooh chooh da ong u wa man ka sngi da yaklam u wa ki bor District chaphang kani ka kaam kiwa da phah bui (Report) man ka 6 kynta.

Kamtæ ka sorkar da pyrkhat ko leh wa manda ye u sai lut ya ka um kammon won wow leh kiwa ngam um (Divers) ka Navy wow psiah chapoh ki krem mooyoong lada niam namo ym niam ki u psiah deilang wa ki tiar ki tar yong ki waroh.

Nadooh ka sngi wa nyngkong ka NDRF ki leh da chem chitom ki wow sñiawthooh ya kani ka krem mooyong neidaw wa ym em ka Mining Plan kamtæ ymtip hadooh katwon wa dadep tih ki yei thlu wow psiah yow tih mooyong.