U Montri Rangbah ka jylla, u Conrad K. Sangma ynne da wai u ya ka yung krehkaam wa thymme ka Krishi Vigyan Kendra (KVK) ha Mawthadraishan, West Khasi Hills hei emlang u Montri ka chnat Water Resource, u Brolding Nongsiej.
U Conrad da ong u wa ki warep man ki 70% na ki paidbah ka jylla wei boon na ki manyung chkæh ki na i kaam rep man-ka-sngi kamtæ khnang wow yarap ya ki emkaam wow pynchlur ya i kaam rep.
Heiyatoh wa i pynku ya i kamai ki warep da ong u wa lyngba i pynemkaam ya ki stat ka juk katni ka sorkar daw ye ko wow pynku ya i kaam rep.
Da ong u wa ha ki 4 snem chiteiñ ka sorkar da wanrah ko ya ki Mission wa har rukom kam ka Jackfruit Mission, Mushroom Mission, Turmeric Mission wa kiwi kiwi wei da ye u wailad ya ki warep ha ka jylla.
Da ong u wa katni da emkaam bha wow wanrah ya i stat ka juk wa katni ha ki kaam wa boon. Da ong u wa ki KVK daw man ki ka bynta wa khroo hei wow e sikai ya ki warep deiwa pynyoo kammon wow rep katkam ka juk wa katni.
