Emkaam wow yatylli ki seiñbhalang wow yaleh pyrchah ya ka luti rel: HYC

Shillong: Ka HYC da kyntu ko ya waroh ki seiñbhalang wow yatylli noh ki hapoh kawi ka lama neibyta wow pyndam noh ya ka luti rel hapoh ka jylla yeiwa da yakhih nadooh u snem 1989.

Uwa e yumut ya ka seiñ u Anthony Kharbuli hawa yaklam wa kiwa pathai khubor ynne ka sngi da ong u wa lada ym ya tylli man i iwa eh wow yaleh pyrchah ya ka luti rel hapoh jylla.

U Kharbuli uwa jooh man kam uwi na kiwa ksoh kaam ka KSU heipor u Bull Lyngdoh da ong u wa ki seiñbhalang ymtoh u kyrpaad ki ya ka sorkar wow khut yaklam tangwa toh i kaamram yong ka wow khut.

“Ka HYC daw khut ko ya waroh ki seiñbhalang wow yaklam wow chna ya kawi ka dhab wow yakhun ya ini i yakhih” da ong u Anthony.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Da ong u wa i tlot ki seiñbhalang katni ha kini ki sngi toh wa kwah ware ki u kamai poisa ki dkhar wei manda poi i por wow beh ya ki dkhar ym nood de ki neibhah wa dadep chim poisa ki.

Heijooh i por da beiñ u ya kiwa mihkhmat kamjooh ya ka KHADC kiwa dang yohthiah hadooh katni khlem pyrkhat de ya ka jaitbru.

U Kharbuli da e yumut u leh ya u Dr Mukul Sangma wow rah noh u ya ka luti rel na Khasi Hills cha Garo Hills.