15 49.0138 8.38624 1 0 4000 1 https://wyrta.com 300 0

Emkaam ya ki aiñ wow kdoh yei khih-nan ki MDC: Paul Lyngdoh

0 Comments
Advertisement ad1

Shillong: U Working President ka UDP, u Paul Lyngdoh da ong u wa neidaw wym em ki aiñ wow khang ya ki MDC hapoh ka 10th Schedule ki da leh ki katwa ngait ki hadooh wa da psiah da mih le sien soo sien na kawi ka party cha kawi.

Da ong u leh wa ka party UDP toh du ka donhi wa da dep thoh cha ka sorkar India wow chna aiñ hei yatoh wa ini i kaam.

Advertisement ad1

U Paul leh da ong u, “I daw tre wa mih i kulmaar ha KHADC toh wa laitlaan ware ki MDC, wei ini da pynhiar dor ko yei bor ka KHADC, iwa ma wow mih na ini toh daw joor chooh chooh i awri awra neibhah ym em ki aiñ wa khang ya ki MDC.”

Chooh chooh da ong u wa u Pynshngain toh u sñiawthooh u wa hadooh katni toh u bru ka Congress wei kiwa kyrchaan ya oo toh kiwa kyrchaan ya u Dr. Mukul wa ka Congress.

“Waroh chi kattu ka PDF ha KHADC wa yahkhmat u Pynshngain kam u CEM da khut da wer lang ko ya ki party ri-loom wow kyrchaan wei wow ya krehlang ki tangwa ka won da tympiah tympra ko ya ki seiñ ri-loom wa kynthup ya ka UDP, HSPDP wa ka KHNAM,” da ong u Paul.

Da ong u leh wa ha kini ki khajiak sngi ka UDP daw lum ko ya ki MDC yong ka wa ki MDC wa yatoh lok ko na kiwi ki Party yow pyntikna wa ka EC ka KHADC u krehkaam khamtam wa hadien wa chem yei baamtooh ka EC u Pynshngain ha ki bnai wa da dep.

U Paul da ong u leh wa oo ym em yoo u iyi iyi ki kaam wow burom ya u Pynshngain ha kini ki ar snem wa man u kam u CEM kamjooh yeiwa kop kiwi ya oo neibhah waroh ki kaam yong oo neh ki ha suiñ hi eh ki wym poi cheiwon cheiwon.

Da kylli u Paul leh hei yatoh waka Village Administration Bill (VAB) kam ka nongmuna kawa u Pynshngain wa pynbiej hi-eh u ki ki paidbah, tangwa hadooh katni la ar snem ym em poi ko cheiwon cheiwon.

Hei yatoh wa u HS Shylla, yei kylla ktien u wa khak khak, u Paul da ong u wa u Shylla toh u bru wa em yong oo hi i nang i stat tangwa iwa leh u toh wow pynjæd yei stat wa em u wei hadooh katni leh ym pu em yoh chithi ki na oo wow mih u naka UDP.

(Feature Image-File Photo)

Advertisement ad1

0 Comments

Leave a Reply