Ki pulit ka West Garo Hills hadien wa da mih kulmar ha Tura, da kem noh ki hadooh 18 ngut ki bru, wa kynthup ya ki kynthai kiwa man kiwa yahkhmat ka BJP Mahila Morcha heiwa da pynbaad wa kini ki bru da pynchit ki ya ki paidbah wei pynmih kulmar, wei da em leh kiwa yahkhmat ka TMC kiwa da tipmit da ki pulit kiwa dang yut hadooh katni.
I kulmar wa da mih ynnin i miet ha Dakopgre, Tura toh hadien ka yalang wa da man hapyrdi u Montri Rangbah, u Conrad K Sangma wa ki seiñ wa pynman yakhih yong ka thaaiñ wym em mih soh hajrong i dawa wow pynman ya ka Tura ka nongbah ha i por tlang wei kamjooh wow pynkrehkaam ya ka Reservation Roster deiwa kheiñ nadooh nachwa.
Katkam ka khubor wa da yoh da khana wa i long i man ha sor Tura da jai-jai, tangwa neiliang ki bor pynlai District yong ka West Garo Hills da phah ki ya ki skur wa ki thaw puræ kiwa em soodong ka sor wow khang ynne ka 25 yow lait na iwon iwon i jia.
Ki bru kiwa da chah kem hajrong itai i jia toh kiwa da tip pyrtuid kam ka Belina M Marak wa ka Dilche Ch Marak, kiwa man ki dkhot ka BJP Mahila Morcha, wei ya kini ki bru da kem na ka thaw wa mih kulmar katwa dang pynchit ya ki paidbah.
Kiwi won kiwa da em wa yoo wa pynchit ya ki paidbah toh kiwa yahkhmat ka Trinamool Congress, wei na kini uwi toh uwa dang yut hadooh katni katwa uwi won da yoh kem da ki pulit.
Katkam ka khubor da pyntip chooh chooh wa uwi na kiwa emkti ha itai i pynmih kulmar toh uwa jooh yakhun MDC na Siju-Baghmara na ka Ticket UDP, wei ha ka Election MLA uni u snem da paan Ticket na ka Congress wow yakhun na Selsella, tangwa ym em yoh u.
Kam wow pynkynmoo wa ynnin i miet ki dkhot ki seiñ wa yakhih deiwa chah thngan- hadien wa lai mih ki yow pyn jai-jai ya kini ki bru da chem ki toh du ki wym embynta wei ki wym em wan e kyrchaan ha ka yakhih chah thngan ki.
Puræ leh: Yakhih syndet ki paidbah ha Tura, mynsoo ki pulit, sahkut u Conrad
Discussion about this post