theme-sticky-logo-alt
theme-logo-alt

Maham ka NAESZC wow lai chadooh SC nei chah ktah ha ka ESZ ka khloo Narpuh

Advertisement ad1

Jowai: Ka Dorbar Chnong Sonapyrdi kawa sñiawkhia yei em wa i pynhaap ka Sorkar India ya ka Eco-Sensitive Zone ha thaaiñ Narpuh Wildlife Sanctuary, Meghalaya da khut yalang ko ya ki chnong waroh kiwa chah ktah na ka Eco-Sensitive Zones ha ka 27 tarik uni u bnai ha chnong Kuliang.

Ha ka yalang da wan waroh ki chnong ki thaw kiwa chah ktah wei da yoh wow klam wow batai yillu hajrong ka Eco- Sensitive Zones kawa haap ha ki chnong waroh.

Advertisement ad1

Kam wow pynkynmoo heini ha u snem 2016 ka Dorbar Elaka Narpuh wa ka Joint Action Committee da pyrchah joor ki yei thmu ka sorkar wow pynhaap ya ki chnong ki thaw hapoh u pood u ang ka Eco-Sensitive Zones wei da e dorkhat leh cha ka sorkar wa cha ka Ministry of Forest  Environment & Climate Change tangwa ka sorkar da lai ko chakhmat wow pynbna lyngba ka Gazette of India Dated New Delhi, the 6th September 2017 ya kani ka Eco-sensitive Zones ha Narpuh Wildlife Sanctuary wei da pynhaap leh chiboon ki chnong ki wow chah ktah.

Kamtæ neiliang ka yalang da rai da iwi i sur wow chna noh da kawi ka Committee wow booddien ya kani ka kaam wei daw lai chadooh cha Supreme Court wow dawa pynlait ya ki chnong ki thaw na ka Eco-sensitive Zones kawa em ha thaaiñ Narpuh neibhah wa ktah ko chiboon yei khih i kreh ki bru ka thaaiñ neibhah boon hi toh kiwa rep manda em kani ka ESZ wa boon khang ko wow ye u leh nadooh ka rep ka riang.

Da rai wa kani ka Committee u tip ya ka kam ka “Narpuh Anti-Eco Sensitive Zones Committee” (NAESZC) wei kiwa kitkaam yong ka man ki kamni hawah:

  1. Chairman -Elising Tongper.
  2. Vice Chairman-Standly Massar.
  3. Secretary -Daiapherbha Lamare.
  4. Assistant Secretary- Johny Lamare
  5. Treasurer- Edimon Lamare.
  6. Adviser- Le ngut wa kynthup ya u Desous Pohshna uwa man leh u MDC ka thaaiñ.
  7. Wa 30 ngut ki Executive Members wa kynthup ya 3 ngut na kawi ka chnong.
Share this:
Previous

Paan yarap ki pulit heiyatoh wa ka khynnah wa dang 5 snem i rta

Next

Esikai ka DDMA ya ki khynnah skur ka Jowai kammon wow pynduna yei mynsoo