15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Esikai ka Seng Kynthei ka Balang Unitarian hajrong i chah thombor ki kynthai

0 Comments
Advertisement ad1
Advertisement ad1

Jowai: Katwa dang mih ki sngi ki kynthai wa khynnah khyllood da syir mynsien ki khamtam hei lai i wan neidaw wa ki kaam khyllah pyrchah ya ki dang ku i. Katkam i thooh yutip ha pyrthai da chem wa ka ri India man ko kawi na kiwa ha khlieh dooh heiyatoh wa i wym chngaaiñ ki khynnah wa ki kynthai.

Kamtæ Seng Kynthei ka Balang Unitarian da jooh pynman ko ya kam kini kini ki programme ym du hapoh ki balang, tangwa wot cha ki yaaw ki hat leh kamjooh wei kawi na kam kini da pynman ha nongbah ka West Khasi Hills, ha Nongstoin heiwa da sikai ya ki manbei wa ki khyllood wei khamtam ki chynrang heiyatoh wa i ku smat ki kaam pyrchah ya ki kynthai.

Ka seiñ ha ri Khasi Jaiñtia wa Karbi Anlong da jooh pynman ko ya ka White Ribbon Campaign heiwa da e yutip chaphang i sih wa i roi ki kaam pyrchah ya ki kynthai.

Haka 14 tarik uni u bnai ka seiñ chirup wa i krehlang wa ka North East Network, Shilong da pynman ko ya ka programme ha H.K. Singh Secondary School hei emlang ki dkhot ka Seng Kynthei ka Balang, Jowai wa ki khynnah skur.

Ya ka yalang da pynlai da ka (Retd) Major Elgiva Shullai kawa man ka Coordinator yong kani ka programme, da yoh yei klam na ka Gina Phanbuh wa ka Susana Synrem na ka North East Network kiwa da pynche hajrong kani ka phang.

Hadien ini da yoh ya ki kyntien e khublei na ka Daiamonlang Lyngdoh Secretary ka Balang Unitarian, Jowai.

Share this:
Previous

Da ki spah wa wan cha ka yalang yong ka UDP Mowkaiaw Circle

Next

Khajiak chaphang ka Behdieñkhlam ka Seiñ Raij Tuber