Khajiak chaphang ka Behdieñkhlam ka Seiñ Raij Tuber

Jowai: Ka Behdieñkhlam ka Seiñ Raij Tuber u sdang ko nadooh ka sngi Pynsiñ da ka Kuneiñ ki Khon Phangwah, ha ka sngi Mulong ka Hiarwah ki khon Phangneiñ u ei ki ka Ngooh ka Dem Kylliang Klong Pyrnah Pyrjin kamjooh u pyndep ya ka chaad Niam ha yung ki Wasan Raij waki wa kham wa ksoh ya ka Duwan Dupat.

Ha ka sngi Musiang u pyndep ya ka Knia ka Khriam ha Mukoi Ryngkaw da u Langdoh ki Wasan heipor wa dangstep neitæ u sdang ka chaad Niam Choh Thyndai cha waroh ki khon ka Raij Tuber.

Ya u Bhang ki Khon Phangneiñ u lirah ki na Khliehriat, East Jaintia Hills heipor chi waje i sngi. Ki khon Phangwah u wan rah ki na Rymbai, Tuber Kmaishnong.

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026

Ha ka 19 tarik won ka ka sngi khaddooh yong ka Behdieñkhlam u sdang ki Wasan ya ka Behkhlam dang step kamjooh u pyndep ya ka leh niam leh rukom, neitæ nadooh i por 12 waje pyrdisngi u saam u Langdoh ya u Klong Pyrnah ya ki Phangwah ha Lumpongdong, u Sangot u saam klong pyrnah u ya ki Phangneiñ ha Iung Duwan Raij kamjooh u sdang u rah ia ki Rong cha Aitnar.

Heipor 2 waje i sngi u pyndep ya ka Niam Iaboh Bhang. Ha kani ka sngi wa khatdooh u A.L. Hek u Minister ka Arts & Culture ka sorkar Meghalaya wa kiwi kiwi ki Minister, ki MDCs kamjooh ki heh sorkar u wan sakhi ki ya kani ka Behdieñkhlam.