Ki Social Media ynnin da dap ki da ki Video wa kam wa kawi ka kynthai kawa na Russia da wan ko cha Bihar yow bia wa uwi u bru uwa tip kam u Rahul Yadav uwa chong chnong ka Bhagalpur wei ka parom toh wa ya tipmit ko wa u Rahul uwa lai kreh cha Russia wei manda liwan u da bood ko oo cha India deiwa hun wow bia kamjooh wow sah ha i yung trep ha chnong yong oo.
Ki bru da e pyrtuid ki leh ya kani ka kynthai kam ka Julie wei da booh tarik wow bia ki ha u bnai November uni u snem.
Tangwa hadien wa booddien kiwa thoh khubor yeini da chem wa i thaw wa riñ yeini i Video toh ha chnong Purnia iwa em ha Bihar hi wei kini ki kynthai wa em ha ini i Video toh kiwa na England kiwa embynta wa kawi ka NGO kawa yarap ya ki bru wa dooh wa duk.
Da chem leh ya u bru uwa Upload ya ini i Video uwa mih leh ha ini i Video uwa pynemkaam yei pyrtuid Namit Bhay ha Instagram uwa da kyntait wa em i ya maya wa ka kynthai wa em ha i Video wei da ong u wa da wan ki cha ka chong u deiwa khut sñiawbha ya ki.
Tangwa ki bru won da Upload won ki ya ini i Video deiwa ong wa kani ka bru toh kawa na Russia hanla ha ini i Video da em leh kiwi de ki kynthai kiwa man kam ki pharæng kiwa rahlang wa ki syntu ha kti kiwa da e cha ki heipor wa pdiang sñiawbha kani ka chnong ki.
Discussion about this post