U YouTuber uwa na India uwa tip kam u Banshi da chah beiñ u hadien wa pyrchang u wow sah mynkna ha i yungmane Buddhist ha Wat Photisomphon wa em ha Udon Thani Province, Thailand.
U Banshi (23) da uiñ u ha Thailand khlem poisa deiwa paan yarap du na ki bru nadooh i baam wa i thaw sah.
Ha ka 5 tarik uni u bnai da chna Tent u ha Ordination Hall i Temple heipor 9:00 PM khlem yohbor na kiwa pynlai ya kani ka yungmane.
Kiwa kreh da khut ki ya ki pulit wow phah mih oo neini neibhah wym chah ya ki bru na baar wow sah hapoh.
Hadien ini ki pulit da tyrwa ki ya oo wow sah hei Hotel wa chongdor 400 Baht chi miet tangwa da kyntait u yeini.
U Phra Ratchasankosol uwa man leh u Chief Monk ka Wat Photisomphon da ong u wa ka yungmane ymye ko wow pdiang bru khlem yohbor chwa khamtam wow sahmiet ki ha i thaw wa kyntang.
Ki paidbah na Thailand kamjooh na India da beiñ ki ya u Banshi deiwa ong wa emkaam u wow burom u ya ki kyndon, i rukom im ki bru cha i thaw wa lai ke khamtam yei yungmane.
U Banshi hadien ini da lai booh Tent u yow thiah ha kawi ka Petrol Pump wa em chajan yow lait u lut poisa.
Discussion about this post