Jowai : Ynne ka 25 tarik ki ar ngut ki kyrtong da lai thap pyrtuid næ da File Nomination ki ha ka Presiding Officer ka JHADC neibynta ka yakhun wow man Dolloi yong ka Elaka Jowai.
Nyngkong da wan thap pyrtuid u Puramon Kynjing ya uwa da synran da ki phaw ngut ki waheh wa khynroo.
U Puramon Kynjing da ong u wa da jied u ya kani ka sngi neibhah wa toh ka sngi National Voters Day, wei da e khublei u ya waroh ha kani ka sngi.
Hadien ini da wan thap pyrtuid sa u R.K. Ram Rymbai ya uwa da wan synran leh da ki phaw ngut ki waheh.
U R.K. Ram Rymbai da ong u wa i daw wa kongsan wow yaleh u ya kani ka kaam toh wow chakri wow kreh neibynta ka Elaka Jowai.
Discussion about this post