U Bajop Pyngrope uwa man kam uwa yahkhmat ka National People’s Party (NPP) heijooh i por leh u MDC ka Rambrai da ong u wa i lait kreh sorkar em du kamwa 2000 tylli chi snem kamtæ ki khon khynroo khyllood ka jylla da toh u chim kabu ki ya ki Scheme sorkar kiwa daw ye u pynyieñ ya ki ha ki kjat yong ki hi.
“Hao da khih i pyrthai na ka Reservation Policy tangwa yeiwa sakhiat ki khon khynroo khyllood yong i ym pu yoo ki hadooh katni wa hadooh katwon tylli ki kaam sorkar wa ye u e cha kiwa dang khynroo,” da ong u Bajop.
Da kylli u leh wa ka MPSC, ka DSC katwon tylli ki kaam kiwa lait ha ka chi snem? Wei da jubab hi u deiwa ong wa ha ka chi snem ki kaam wa lait em ki kamwa 2000 ha waroh ki chnat sorkar.
Kamtæ da ong u wa u Montri Rangbah, u Conrad K Sangma da wanrah u boon ki Scheme yow e myntoi ya ki khynroo khyllood ka jylla yow yoh myntoi ymtoh wow yang du ya ki kaam sorkar.
