Ha Delhi u psiah BJP ki 3 ngut deiwa ong lada yoh MR ka BJP i kylla leh daw wan i

Ki 3 ngut ki MLA kiwa da Resign næ hiar noh na ka chuki kam ki MLA, daw lai ki cha Delhi wow man kam ki dkhot ka BJP neibynta wow yakhun ya ka Election MLA 2023. Kini ki MLA wa da hiar chuki ynne ka sngi kynthup ki ya u Himalaya M Shangpliang uwa man u MLA ka TMC na Mawsynram, u Benedic R Marak uwa man u MLA ka NPP na Raksamgre wa ka Ferlin C.A. Sangma kawa man ka MLA ka NPP na Selsella.

Hawa yaklam wa kiwa pathai khubor hadien wa da dep e kti ki ya ka chithi hiar chuki ha u Lamphang ka yung dorbar ynne ka sngi, neiliang u HM Shangpliang da ong u wa i hiar chuki toh wow psiah noh cha ka BJP, wei i daw toh wa ka jylla emkaam ko ya ki kaam pynroi, deiwa pynsñiaw wa hadooh katni ym em kiwi ki Party kiwa ye wow wanrah ya ki kaam pynroi.

Hawa kylli wa ka BJP ym ye ko leh iwon iwon hawa emlang ko ha ka sorkar MDA, u Hima da ong u wa lada kwah wow yoo yei kylla emkaam rap boon ki MLA na ka BJP, neibhah wa kamwa man katni em du 2 ngut ki MLA ka BJP.

Da ong u wa lada ka sur ki MLA thai ko tæ daw wanrah yei kylla ha ka jylla, wei da pynrap u wa lada ka BJP chimkti ko ya ka chuki Montri Rangbah ha kani ka jylla daw wan i kylla, heiwa da kular u leh wa lada ki paidbah e ki 20 ngut ki MLA ya ka BJP, ka chuki Montri Rangbah u poi bait ko cha ka BJP wei i kylla leh daw wan i.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Hawa kylli heiyatoh wa i pdiang ki paidbah ya ka BJP, da ong u wa kyrmen u wa ki paidbah daw kyrchaan ki ya ka BJP, wei kiwa kyrchaan yong oo hi kiwa e yumut wow em noh hapoh ka BJP neibynta wow yoh ya ki kaam pynroi. Da ong u wa ka BJP 5 snem nachwa da yalap dei yalam bakla ya ka, tangwa hawa bichaar bha ka BJP ym em leh ko kamwa yalam bakla da kiwi, ka BJP pathan da wanrah ko yei synchaar wa paka ryngkat ki kaam pynroi.

Neiliang u Benedic da ong u wa ym em daw u wa ka NPP, tangwa ki paidbah da yoo ki wa ki kaam pynroi wa da leh da ka BJP ha kiwi ki jylla, wei kam kini ki kaam pynroi emkaam wow wanrah ha Meghalaya.

Ka Ferlin Sangma leh da ong ko wa ka leh ym em daw ko wa ka NPP wei i psiah cha ka saiñhima sima toh neibynta ki kaam pynroi, wei kamwa man katni ki kaam pynroi ha ka jylla ym man kiwa pynhun, iwa pynman ya ki wow pait noh chawi chwa wei da jied noh ya ka BJP kawa ye wow wanrah yei kylla khamtam cha ki thaaiñ palatsor.