Hadien wa pteiñ i pyrchah yei wanrah luti rel ha Khasi wa Jaiñtia Hills, neiliang ka Montri sorkar, ka Ampareen Lyngdoh lyngdoh ynne da ong ko wa ki seiñ wa pyrchah yeini toh u lai ki cha Mendipathar Railway Station wa em ha Garo Hills wei wow thooh bniah ki lada i wan ka rel wanrah ko yei psiah kiwa na baar jylla, lada em iwon iwon i dooh nong kamjooh i myntoi.
Ka Ampareen da ong ko wa ka luti rel da wanrah ko chiboon i myntoi ya ki paidbah ka Garo Hills wei ym em sñiaw ko ya iwon iwon itæ i psiah kiwa na baar. Da pynrap ko deiwa ong wa iwon iwon wa rai ka sorkar ymtoh iwa man pyrchah ya ki bru.
Tangwa da ong ko wa i wanrah luti rel cha i ymtoh iwa suk neidaw wa boon ki loom ki wah wei hanla kattæ leh hawa pyrchang ka sorkar ya iwon iwon iwa bha em bait i pyrchah na ki paidbah.
“Ym em ka sorkar wow lai chakhmat wow leh da ki wym myntoi ki paidbah neibhah ka sorkar da em ko neibynta i myntoi ki paidbah, iyi i daw u leh i pyrchah yeiwa kwah ki paidbah,” da ong ko.
Discussion about this post