Ka MLA ka Congress na East Shillong Constituency, ka Dr. M. Ampareen Lyngdoh da beiñ ko ya ka sorkar hajrong i pynbna pyndooh bordiñ wa syndet syndet wei itæ leh da ki boon kynta katwa ka bai bordiñ won ku ma ku ko kat dang mih ki sngi.
Da ong ko wa ka Congress ha i por wa dang synchaar ko da yaklam yillu bha ko chwa wow pyndooh bordiñ wei itæ leh du kajiak kynta ha i jooh i por, deiwa ong leh wa katni ka sorkar kam ko wa ka jylla biang ko heiyatoh wa ka bordiñ tangwa syndet syndet da tympleh bordiñ khlem i pyntip iwa biang.
Da ong ko wa i rai ya ki kynta ka pyndooh bordiñ man i kam wa chah thaap syndet ki paidbah, neibhah da man i iwa palat 7 kynta, wei ini da kdoh lut i ya ki kaam kiwa boon nadooh ki kaam yung khamtam ya ki khynnah skur kiwa pynkhreh ya ki Exam yong ki.
Ka Ampareen da ong ko leh wa wa najrong i pyndooh bordiñ, ha kini ki tayaw wa ka um leh ym rap biang ko, ka sorkar hap e jubab ko neiyi i daw wa hap chim ko kat hadooh kini ki luti.
Chooh chooh da ong ko leh wa iwa rap phylla toh hajrong ki ram wa ka poisa wa ka sorkar yoh ko wow pynduna ya ka ram ka MeECL, heiwa ka jylla da sakhi ko yei tympleh bordiñ wa i ku ka bai bordiñ, deiwa ong leh wa ha ka dorbar mang tyngka wow wan ka Congress daw yaklam yillu ko hajrong ini i kaam.
