Ki MLA wa em ha Kolkata toh yei kaam samen yong ki, kiwi won em ki ha Shillong: Metbah

U President ka UDP, u Metbah Lyngdoh ynne da kyntait u yeiwa yut seiñ ki MLA cha ka BJP deiwa ong wa waroh ki 12 MLA dang yatylli ki wei dang em ki ha Meghalaya heiwa da pynrap u wa da yaklam u wa waroh ki MLA wei ym em ki wow psiah cha ka BJP.

Chooh chooh da ong u wa i psiah ki 9 MLA cha ka BJP toh ka khubor hamsaya donhi wei ym em iwon iwon kam itæ.

Heiyatoh wa i lai Delhi ki MLA, da ong u wa ini man iwa bakla wei wot oo leh da em u ha Shillong ha ka tayaaw wa dadep wei da lai u cha Delhi neibynta ka FCRA donhi.

Chooh chooh da ong u wa ki 9 MLA da yachem ki wa u Home Minister ka ri heiyatoh wa i pynkylla donhi ya ka FCRA kamwa da tyrwa ha Parliament.

Heiyatoh wa i sah ki MLA ha Guwahati wa Kolkata, da pynche u wa ki 4 MLA kitæ u MLA ka Ranikor, u Pius Marwein, u MLA ka Shella, u Balajied Synrem, u MLA ka Khliehriat, u Kyrmen Shylla wa u MLA ka Sohiong, u Shynshar Lyngdoh da lai ki cha Kolkata ha ka 29 tarik uni u bnai neibynta ki kaam samen katwa kiwi ki MLA em ki ha Shillong hi nadooh u MLA ka Mawphlang, u B Kurbah, u MLA ka Mawsynram, u Olan Sing Suin wa wot u Lahkmen Rymbui.

Related posts

Chah tim u heh warim ka sorkar Bangladesh ha New York Airport

October 13, 2026

Da wai ya ka Meghalayan Age Pavilion ha Ward’s Lake yow kyrchaan ya kiwa seiñ khih ka wow man leh ka rynsan ya kiwa em yei sap i tap wa boon jait

October 13, 2026

Heijooh i por u Metbah da ong u wa da yaklam u wa waroh ki MLA wei man ki kiwa kmen hadooh katni.

Da kyntu u leh ya kiwa pathai khubor wow pyntikna chwa wow pynmih ya kam kini ki khubor.