15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Hapoh ar sngi pynrem ka Uttarakhand ya ka Meghalaya ha ka U-19 Cooch Behar Trophy

0 Comments
Advertisement ad1
Advertisement ad1
Advertisement ad1

Shillong: Ka Meghalaya da maad ko yei rem ha ka yalehke U-19 Boys deiwa rem ko da chi Innings wa 352 Runs ha i kti ka Uttarakhand ha ka Cooch Behar Trophy wa pynman ynne ka sngi ha Dehradun.

Ka yalehke man ko kawa soo sngi tangwa da kut ko du hapoh ar sngi. Ka Meghalaya da jop ko la le sien chwa wow yachem ko waka Uttarakhand kawa da khlan ya ki khynroo ka Meghalaya wow pynrem ya ka.

Advertisement ad1

Ka Uttarakhand kawa yakhun hapoh ka jylla yong ka hi, ka Meghalaya da phah ko ya ka wow Bat nyngkong.

Kiwa Bat ka Uttarakhand kam u Sanyam da kamai u 176 Run wa u Avneesh Sudha uwa da kamai 221 Run kiwa da kamai lang 303 Run ya ka Wicket wa ar wei ka Uttarakhand da rai ko wow pynkut (Declared) da 537/6.

Uwa kawang bol ka Meghalaya u Abhishek da yoh u 3/163, u Bipin (2/87) wa u Aryan (1/162).

Hawa jubab ka Meghalaya u Captain yong ka u Raghav Kapur da yeiñ skhem u deiwa kamai 50 Run khlem haap u wei da yoh lok u wa u Hrithik Sharma wa u Ankit Kumar Singh kiwa da kamai mar 31 Run tangwa da haap lut ki Wicket ka Meghalaya deiwa kamai 133 Run donhi iwa bood da 404 Run ya ka Uttarakhand kawa da pynkrehkaam da ka Follow-on.

Ha ka Follow-on ka Meghalaya da ye ko wow kamai sa du 52 Run donhi heiwa da haap lut ki Wicket ko ha ka sngi wa ar.

Share this:
Previous

Ha Jowai daw jied ya ki khynnah wa em sap yalehke Football U-10, U-12 wa U-14

Next

Ebor noh ka Ladthadlaboh ya ka Salaroh wow khlaad noh ko kam ka Dorbar Chnong wa pura