Ha ka 12 tarik u chong kyrpang ka Assembly hei yatoh wa ka GST

Shillong: Ka The draft Meghalaya Goods and Services Tax (GST) Bill daw booh ya ka ha khmat ka yung chna aiñ wa kyrpang ka wow pynman ha kani ka 12 tarik.

Ya ini i rai da chim da ki montri ka sorkar Meghalaya ynne ka sngi heiwa u Montri Rangbah u Dr. Mukul Sangma, da pyntip u wa da dep thoh cha u lat ka jylla u Banwarilal Purohit wa cha u Assembly Speaker AT Mondol yow pynman ya kani ka Special Session ha ka 12 tarik.

Katkam i ong u Sangma, wow pynkrehkaam ya ka GST Bill toh kawa da pyrchang da slem da ki sorkar pyrdi wei da yatai nia bha ya ka.

Da ong u leh wa lyngba ka GST i rukom kheiñ dan (Tax) hapoh ka ri toh yow man salonsar ko hei yatoh wa ki mar ki mata. Wei kiwa chong hapoh ka Meghalaya daw yoh myntoi bha ki lada pynkrehkaam ya ka.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Deiwa em kani ka GST i yohnong ka jylla daw ku ko chadooh 14 chah na iwa yoh ko katni wei lada duna, ka sorkar pyrdi daw pyndap ko.

Da ong u leh wa yooluti wow pynkrehkaam noh ya ka GST kamwa da booh thong wei toh kawa da angnood wow pynkrehkaam noh ya ka.

Hei yatoh won wa pyrchah ka jylla West Bengal ya ka GST, da ong u wa kani ka aiñ manda krehkaam ko waroh wow yooh myntoi.