Ka Election Commission of India ynne lyngba u Chief Election Commissioner, u Rajiv Kumar da pynbna u ya ki tarik pynman Election MP cha ka Lok Sabha kamjooh ki jylla wa pynman ya ki Election MLA.
Da pyntip u wa ka samoi krehkaam ka 17th Lok Sabha toh kawa daw kut haka 16-06-24 wei ki sorkar jylla ka Andhra Pradesh, Odisha, Arunachal Pradesh wa Sikkim leh toh kiwa daw kut noh ha u Naiynru uni u snem.
Da khana u leh wa kiwa thap Vote hapoh ka ri da em ki palat 97 klur ngut kiwa daw lai pynemkaam yei hok ki ha palat 10.5 lak tylli ki Polling Station deiwa pynemkaam kamwa 55 lak tylli ki kor EVM wei da em leh 1.5 klur ngut ki Polling Official wa Security Staff.
Na kiwa thap Vote, 49.7 klur toh ki chynrang katwa 47.1 klur toh ki kynthai wei da em leh 1.8 klur ngut ki wow thap Vote hei sien wa nyngkong, kiwa dang khynroo kiwa em 20-29 snem da em ki 19.74 klur ngut wei da em leh 82 lak ngut kiwa em 85 snem chaneiñ wa 2.18 lak ngut kiwa da em palat 100 snem.
Neibynta ka Election MLA ha Andhra Pradesh daw thap Vote haka 13-05-24 wei ka sngi niaw Vote won haka 04-06-24.
Neibynta ka Election MLA ha Arunachal Pradesh wa Sikkim, u thap Vote haka 19-04-23 katwa yaka Vote u niaw haka 04-06-24.
Neibynta ka Election MLA ka Odisha, u thap Vote haka 13-05-24 wei u niaw Vote haka 04-06-24.
Neibynta won ka Election MP cha ka Lok Sabah kawa em 543 tylli ki Parliamentary Constituency heiwa na kini 412 tylli toh ki General, 84 tylli toh ki SC wa 47 tylli won toh ki ST, ka thap Vote da yabhah 7 bynta namo ki Phase.
Neibynta ka Meghalaya da booh yaka hapoh ka Phase-1 heiwa ka sngi thap Vote toh ha ka 19-04-24 katwa ka sngi niaw Vote won toh ha ka 04-06-24 iwa mut wa hap yang 45 sngi.
Discussion about this post