theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Ha ka 29 tarik u pynman yakhih wa heh kiwa chet ja Mid Day Meal

Kiwa chet ja sngi PM POSHAN (MDM) ya ki khynnah ha ki skur kiwa em ha ka jylla hi waroh kawi, khamtam ha Ri-loom Jaiñtia da chim ki ya ka rai wa ha kani ka sien u man ko ka yaleh kawa khaddooh wei u pynman noh ki da ka yakhih kawa rap heh ha ka nongbah ka Meghalaya ha Shillong ha ka 29-08-2022.

Da ong wa hap chim ya ini i rai du neidaw wa da chem wa ka sorkar Meghalaya ym mano ko ya iwa da thoh iwa da e ha kti u Montri Rangbah, u Conrad Sangma kamjooh i yaklam nadooh u Naiynru u snem 2019 iwa da pynman ya ki wow mih sarok, i chah thngan ha i yahkhmat ka AJMDMWU wei da chynna wa ka sorkar jylla da chim kabu donhi ko ya ini i kreh mon sñiawbha kiwa chet ja sngi khamtam ki manbei, ki kynthai kiwa da sdang i chet ja nadooh u snem 2002 deiwa e sñiawbha da ka Honorarium kawa du T. 100 donhi ha ka chi bnai kam i bhah ka jylla katwa T. 900 won da e kam i bhah naka sorkar pyrdi iwa da e hadooh uni u snem 2022.

Kamtæ ka All Jaiñtia Mid Day Meal Workers Union nadooh u 2019 hadooh uni u snem 2022 da phah ko ya ka chithi cha u Montri Rangbah ka jylla kamwa hadooh ynru sien hadooh uni u Naisaphra kawa da rai kut wow e por hadooh wa kut uni u bnai yow e jubab ki hajrong i paan i kyrpaad ka seiñ. I jooh leh da phah lyngba u Lat ka jylla cha u Montri Rangbahdooh ka ri, u Narendra Modi, iwa da pynsñiaw diaw wa hadooh uni u bnai ym em yoh  jubab namo u yoo wa chimkhia ka sorkar jylla ya ini i kyrpaad pynku ya ka Honorarium na ka T. 100 chi bnai cha ka T. 900 chi bnai yow man noh T. 1000 chi bnai kam i bhah ka sorkar jylla, wow e noh ka sorkar da ka LPG yow chet ja ha ki skur yow lait u thang da ki dieñ, da u rngaw heiwa ka seiñ da ong wa ini i paan da man iwa khian tam tangwa iwa kongsan bha yei chait i manbru, ka Bei Rymaw wa ka mynried kiwa daw heh.

Kamtæ neiliang ka seiñ deilang chirup wa kiwa chet ja sngi na waroh ka jylla Meghalaya, da pynkhreh ki ya kani ka yakhih kawa heh ha Shillong ka wow man kawa jai-jai deiwa ya krehlang wa ki bor wa pynlai ya ki aiñ. Hanla kattæ leh ym em dooh kyrmen ki wa u Conrad K Sangma daw pynkrehkaam u yei paan ka seiñ, tangwa lada ka sorkar jylla ym pdiang won ko, kani ka PM POSHAN (MDM) da hoi hi u pyndam na jylla Meghalaya.

Kamtæ ka seiñ kyrpaad joor ko ya waroh kiwa em i kitkhlieh ya i bhalang yong ki khynnah skur wa ya kiwa chet ja sngi ya ki khynnah yow kyrchaan lang ya kani ka yaleh yow im yow pteiñ kani ka Scheme wa u chait u khiah ki khynnah skur waroh.

Share this:
Previous

Daw pynman ya ka 2nd Knockout Football Tournament ha Shangpung

Next

Yoh kem ki pulit ka East Jaiñtia sa arngut ki snar khayi nong Bangladesh cha India