theme-sticky-logo-alt
theme-logo-alt
Advertisement ad1
Advertisement ad1

Yoh kem ki pulit ka East Jaiñtia sa arngut ki snar khayi nong Bangladesh cha India

Advertisement ad1

U SP ka East Jaiñtia Hills da pyntip u wa deiwa yoh yutip wa tikna, ki pulit ka Umkiang PP, Ratacherra CP wa ki BSF hapoh i yahkhmat u SI. S. Buam da yoh ki wow kem ya ki arngut ki nong Bangladesh kiwa da man ki snar wow khayi tooh ya ki nong Bangladesh chapoh ka ri India ha kini ki ar bnai lyngba ki bynta ka Kuliang-Ratacherra.

Kamtæ ynne ka 26 tarik heipor kamwa 12:00 waje pyrdi sngi da yoo ya ki nong Bangladesh hapoh khloo ha ki bynta ki wym pu em kær pood hajan i chnong Pyrtakuna tangwa deiwa krehlang ki pulit wa ki BSF da yoh ki wow kem ya arngut katwa kiwi won da yut biang ki cha Bangladesh.

Advertisement ad1
Advertisement ad1

Kiwa chah kem toh u Misba Uddin (31 snem) uwa na Darponagar, Sylhet Bangladesh wa u Badrul Alom (30 snem) uwa na ka jooh ka chnong. U Misba Uddin toh uwa da thooh ki pulit heiyatoh wa kiwi de ki kaam wa kam kini ki jooh heiwa uwa kem ki ha ka 24 tarik uni u bnai leh da kam u wa i pyrtuid u toh u Misba Uddin hi.

Puræ leh: Yoh kem ki pulit ka East Jaiñtia ya u snar wanrah nong Bangladesh cha India

Share this:
Previous

Ha ka 29 tarik u pynman yakhih wa heh kiwa chet ja Mid Day Meal

Next

T. 50,000 u daiñ kuna ka Panaliar yei drug wa T. 20,000 ya kiwa dai kiad