Shillong: Ka sorkar jylla lyngba ka Meghalaya State Planning Board da rai ko wow ekti noh ha ka Company na Japan, ka Japanese International Cooperation Agency (JICA) wow thooh bniah khnang wow pyllait ya i khynnia kari ha sor Shillong.
Ha ka yalang wa nyngkong kawa pynman hapyrdi ka Planning Board wa ki dkhot JICA da chim ya ka rai wa hadien waka JICA da dep leh ko yei thooh bniah daw wanrah won saka mang poisa wow emkaam yow pynwiar ya i khynnia kari.
Neiliang kani ka Company na Japan da yahkhmat da u C. Kuranama, uwa da ong wa yow pyndep yei thooh bniah yow pynkyllooid kari ha Shillong daw chimpor ko kamwa 6 bnai.
Hawa yaklam wa kiwa pathai khubor, u Chairman ka Planning Board, u Lambor Malniang da ong u wa ka sorkar dei yarap ka JICA da em ko i thmu wow chna chooh chooh ya ki sarok khian ha waroh kawi ka sor.
Da pyntip u leh wa ha kani ka yalang da yaklam wa kammon wow pynbha chooh chooh ya ka puræ puthi hapoh ka jylla, i chait i khiah, ki sarok ha waroh ki District ka jylla wei kamjooh heiliang ka um dih.
Discussion about this post