15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ha ka Dorbar ki Soo Langdoh mih i sur wow rah yei burom ki Soo Raij, Soo Langdoh da ka luti yong i yatylli, yachan kylliang wei yatoh yumut

0 Comments
Advertisement ad1
Advertisement ad1

Jowai: Ka Dorbar ki Soo Langdoh ha madan Lariang, Ialong katkam ka rukom dustur sikai niam hei yahkhmat u Dolloi ka Elaka Jowai ha uni u snem leh daman ko kawa lai beit wei yoo chongkun heiwa nalor ki chakri niam yong ki Soo Raij-Soo Langdoh dawan em byntalang leh da ki President wa ki General Secretary yong ki Soo Raij kiwa kynthup ya ka Seinraij Chyrmang, Seinraij Tuber, Seinraij Jowai wa ka Seinraij Ialong.

Ya kani ka dorbar ki Soo Langdoh da pynman kat kam ka dustur sikai niam hadien wa dadep i yong u kba u khoo na pynthor na bhiang wei ha uni u snem da pynman ya ka ha ka sngi Hat 8 tarik Kmaichonglad 2019.

Advertisement ad1
Advertisement ad1

U Pator ka Raij Jowai waheh Raymon Nartiang kam u Chongknor yong kani ka Dorbar da e u ki kyntien yahkhmat wa ki kyntien pdiang burom katwa neiliang won ki Soo Langdoh wa kynthup yow Kongwasan Langdoh Chyrmang, Langdoh Jowai, Langdoh Tuber wow Langdoh Ialong yieñ ki wow Khanna pynsñiaw yei parom ka niam wa yatoh wei bhah i bynta ki Kur wa ye u kop u ksoh yei kaam Langdoh jar jiar ki Raij neitæ won khanna pynsñiaw ki leh ya ki sngi ki bnai yong ka Chaad Niam Behdeiñkhlam ha u snem 2020 heiwa ha Raij Chyrmang u man ko ha ka 25 u Naitung (Apr), ha Raij Jowai nadooh ka 5 tarik hadooh 8 tarik u Naiynñiaw, ha Raij Tuber ka sngi pynkut u man ko ha ka 24 u Naiynñiaw katwa ha Raij Ialong wan u man ko ha ka 9 tarik u Naisaphra.

Chooh chooh da pteiñ ya ki bynta wa chakhmat yong kani ka Dorbar deiwa yoh yei klam na u Pa Dolloi ka Elaka Jowai u waheh Puramon Kynjin uwa dachim ka bynta wow khana pynsñiaw hakhmat ka Dorbar ya ka luti wa ka yurim yong kani ka Dorbar ki Soo Langdoh ha madan Lariang heiwa hadien i klam u Dolloi da pynbood wan leh i ngoohblai ngoohsyiem deilang wei suit i choor dei pyrnah pyrjin wa da khreh da tayar da u Dolloi wa ki Soo Langdoh.

Ka bynta wabood yong kani ka Dorbar ha uni u snem nalor i klam i khana wei pynsñiaw da ki Soo Langdoh wow Dolloi da yoh wan leh u ap u sñiaw yei klam i kappæ yong ki President na ki Le Raij hajrong ki phang waphær kiwa man chibynta ki kyntien snieñ kyntien kroo wa ki kyntien e mynsien ya ki khon yong ki Soo Raij-Soo Langdoh, heiwa ha kani ka bynta u President Seinraij Tuber waheh Bewil Shylla yieñ u wow klam hajrong ka phang wa ong i maya ya ki chakri niam i burom ya ka Seinraij, u President Seinraij Ialong waheh Marki Mulieh yieñ u wow pynsñiaw hajrong ka phang wa ong i kitkhia ki kur wa sdang ya ki Raij skem ka niam, rukom, dustur, riti katwa u President ka Seinraij Jowai u waheh O.R. Challam wan klam u hajrong ka phang wa ong ki kaam ki Seinraij wa yada ya ki khon ka Niamtre heiwa dawan sakhilang leh da ki khon ka niamtre.

Ya kani ka Dorbar da pynkut dei wa ioh ki kyntien sñiawngooh na u Secretary Elaka Jowai u waheh Wansalan E. Dhar.

Share this:
Previous

Pynkup burom u Dolloi ka Elaka Jowai ya ki yahkhmat yong ki Soo Raij

Next

Sñiawkhia ka seiñ ki wakreh Muster Roll yei chah ah nong ki ha Jowai Polytechnic