Ha ka Dorbar Tlang ka 27 tarik u wanrah ka JHADC ya ka Bill Chongkha

Jowai: Ynne ka sngi ki 6 tylli ki seiñbhalang wa kynthup nadooh ka STIEH, HYC, JSM, AJSU, WJNC wa AHPUF da lai booh dorkhat ki cha u Chief Executive Member ka JHADC u Madonbai Rymbai hajrong ka phang wow dawa na ka Council wow pynkrehkaam wei wow chna smat ya ka aiñ ka wow pait ya ka kaam chongkha khleh ka wow tip leh kam ka Lineage Bill ka wow pynkrehkaam hapoh ri-loom Jaiñtia.

Kini ki seiñbhalang da ong ki emkaam ya kani ka aiñ wow yada ya ka jaitbru khian paaid yong i yow khang yei chongkha khleh.

Neiliang u CEM ka JHADC da kular u hakhmat kiwa yahkhmat kini ki 6 seiñ wow yaleh u wow wanrah ya kani ka Bill kawa da phah thoh (Draft) haki sahep ka Council kam u Principal Secretary, Planning Adviser wa kiwi kiwi wei daw wanrah leh ya kani ka Bill hapoh ka dorbar tlang ka Council kawa daw pynman ha kani ka 27 tarik.

Da ong u leh wa dang sah sa ki kattu katni ki kyndon (Clause) wa dang sah wa haap wow pyndep chwa ka dorbar tlang wei u yaleh wow pyndep wei da kular u leh wa daw boodien u ya kani ka Bill lada wan biang u ha i bor.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh u CEM da ong u wa ka chongkha khleh ktah ko nadong chadong ya ka jaitbru wei neiliang ki 6 seiñ da ong ki leh wa emkaam ki paidbah leh u yoh laad ki wow puræ ya kani ka Bill wei wow e yumut lang ki chwa wow pynman aiñ ya ka.