Ha ka Dorbar Tlang u yañia hajrong ka aiñ wow pynkylla ya ka tulop ki MLA: Dr. Mukul

Shillong: Ka dhab ki montri ka Sorkar jylla ynne ka sngi da pdiang ko wow wanrah ya ka Legislative Assembly (Members’ Salaries and Allowances) Amendment Bill, 2017 wow yatai ha ka Dorbar Tlang wow man ha kani ka 8 tarik uni u bnai wow wan.

Hawa yaklam wa kiwa pathai khubor hadien kani ka yalang u Montri Rangbah ka jylla, u Dr. Mukul Sangma da ong u wa ka sorkar dang ha ini wa dadep da pyntip u wa da pynkylla ya ka tulop ki MLA na ka T. 2.10 lak chi bnai cha ka T. 2.2 lak.

Ini da leh hadien wa da pynduna noh kamwa T. 8,000 wei hadien wa yania yeini ha Yung Dorbar daw pynskem noh ya ka kam ka aiñ.