15 49.0138 8.38624 1 0 4000 1 https://wyrta.com 300 0

Ha ka lehkmen 48 snem angnood u Kyrmen wow ye noh u pynbait ya u pood ka jylla

0 Comments
Advertisement ad1

Khliehriat: Chirup wa ka jylla waroh kawi, ka East Jaiñtia Hills District da lehkmen ko yei dap 48 snem ka jylla ha ka yalang wa man ha pchem ka yung krehkaam u Deputy Commissioner heiwa u montri ka chat Social Welfare, u Kyrmen Shylla, da man u kam u kongsan.

Hawa e yei klam, u Kyrmen Shylla da pynkynmoo u ya i yakhun ya ka jylla Meghalaya chwa u phiah ya ka na Assam heiwa da ong u wa hajrong ki moochynthut wa boon, i yaleh ki waheh ym em sepai i hadooh wa da yoh ya ka jylla.

Da pynkynmoo u leh ya u snem 1971, heiwa ka Parliament da pdiang ko ya ka North Eastern Areas (Reorganisation) Act 1971 kawa da pynman jylla ya ka Meghalaya ha ka 21 Duyatra 1971 ka wow em ka yong ka hi ka Legislative Assembly heiwa da yahkhmat ya ka da u montri rangbah wa nyngkong dooh u Captain Williamson A. Sangma.

Da ong u leh wa da dap 48 snem nadooh wa yoh ya ka jylla wei katni dang em hi chiboon i eh i khoo wa emkaam wow pynbait deiwa kdaw ya u pood wa ka Assam wa Bangladesh toh kawi na ki bynta wa khroo wa emkaam wow krehchitom. 

Da angnood u leh wa deiwa em ki sahep ka District wa ki yong ki chnat waphær waphær daw ye u pynbait yeini khnang wa ka jylla u yoh ko yeiwa toh hok i yong ka. 

“Kam uwa mihkhat ka District, wa ka jylla yieñ O heini wow kyrpaad ya waroh ki sahep wa ki paidbah ka District wow elaad ya nga wow kreh O chirup deiwa pyntip phi ya nga yei eh i khoo khnang wow ye i u kreh chihrup hajrong kini wow poi i ha ka thong neibynta i myntoi ki paidbah ka District wa ka jylla waroh kawi”, da ong u Kyrmen. 

Ha kani ka lehkmen u Deputy Commissioner ka District, u F.M. Dopth, da e u ya ki kyntien lamphang wei da yoh leh i klam na ka D.M. Suja, Addl. Deputy Commissioner, ka District, u Hubert Kharbuki, Superintendent of Fisheries, u John. S. Tariang, Executive Engineer, PWD Roads, wa na u Dr. P. Nongtdu, Principal ka Jaiñtia Eastern College 

Ha kani ka sngi da wai leh ya ka E- Service Permission Order for Public Events wow pynsuk ya ki paidbah wow leh ya ki online application yong ki kot ki sla kam ki Scheduled Tribe Certificate, Income Certificate, Residential Certificate kiwi kiwi.  

Kam chibynta yong ka lehkmen da pynman leh ya ka Meghalaya Day Run kawa da chimbynta da ki khynnah wa ki waheh. 

Ha kani ka sngi da emlang leh u Lasky Rymbai, Dy. CEM, JHADC, u Fineliness Bareh, MDC ka 23-Rymbai-Khliehriat, u S.S Syiemlieh, Addl. Deputy Commissioner, u S. Marwein, EAC, ki sahep ki chnat sorkar wa kiwi kiwi. 

Ya ka yalang lehkmen ya kani ka sngi da pynlai da u Teibor Kyndiah, District Child Protection Officer, East Jaiñtia Hills District, Khliehriat.

Da pynphooh chooh chooh ya kani ka lehkmen da ki rwai ki chaad na ka Officers Club, Jaintia Eastern College wa Jawahar Navodaya Vidyalaya, Rymbai.

Advertisement ad1

0 Comments

Leave a Reply