15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ha ka National Education Day da booh mooyurim ya ka Ri War Jaiñtia College ha Amlarem

0 Comments
Advertisement ad1
Advertisement ad1
Advertisement ad1

Jowai: Ka Amlarem Sub Division ha ka 11 tarik uni u bnai da yachimbynta ko wow lehkmen ya ka National Education Day Celebration ha Enowel Hall, Amlarem, West Jaiñtia Hills District.

Kam wow pynkynmoo heini ka sorkar pyrdi ha ka 11 Naikhynde 2008 da rai ko wow lehwarom ya ka sngikha yong u Maulana Abul Kalam Azad uwi na kiwa yaleh laitlooid ka ri uwa man leh u Education Minister wa nyngkong ka ri India wei neibynta ki kaam yong oo ha i liang i stat i tip, kam ka National Education Day.

Ha kani ka sngi ya ka programme da pynman da ka War Jaiñtia Education and Social Development Foundation, Amlarem wei da pyllai ya ka da u Prof Dr. L.S Gassah kam u chongknor hei emlang u Prof Henry Lamin uwa man kam u Pro Vice Chancellor NEHU, Shillong kam u kongsan, U MLA ka thaiñ u S. Mukhim, ka J.U Kharpuri, SDO Incharge Amlarem Civil Sub-Division kam ki symbood kongsan. Ha kani ka sngi da emlang ka M. Pde, District School Education Officer (DSEO), West Jaiñtia Hills, wa kiwi kiwi.

Kam chibynta ka lehkmen da saam ya ka War Jaiñtia Excellence Award 2017 ya 2 ngut ki khynnah kiwa da pass bha wei kiwa da yoh u psiah ha ka “First Twenty Candidates in order of Merit” ha ka SSLC Examination 2017 kini kynthup ki ya ka Sakaniroi Tariang wa pass na ka K.J.P Synod Mihngi Higher Secondary School, Jowai kawa da yoh ha ka 6th Position wa ka Buiriti Pohsnem kawa pass na ka Nongtalang Secondary School kawa da yoh ha ka 19th Position. Ya kini ki ar ngut da pynkup burom da u kongsan ha kani ka sngi u Prof Henry Lamin wa u symbood kongsan u S. Mukhim.

Kani ka sngi leh man ko ka sngi wow sah kynmoo neibhah ha kani ka sngi yong i stat i tip namo ka National Education Day da yoh u wai leh ya ka college hapoh Amlarem wa tip kam ka Ri War Jaiñtia College heiwa da wai ya u mooyurim da u Prof. Henry Lamin.

U kongsan ha kani ka sngi da khana u wa ka sorkar wa ka University pynchlur ko ya ki thaiñ nongkyndong wow seiñ ya ki College neibhah ini yarap i wow pynduna ya ki khynnah na nongkyndong wow lai cha sor neibynta i stat i tip.

Da pynbna wa u Prof Dr. L. S Gassah uwa man leh u President ka Governing Body ka College u man u kam u Principal wa nyngkong yong ka College.

U Gassah da ong u wa i thmu wow wai ya kani ka thaw puræ ym mut i du wow kynrong ya i stat i tip ka thaiñ tangwa wow yarap ya ki paidbah kiwa em hei doo hi duk, wei u sdang ko u e chakri (session) toh ha u snem 2018 ha ka Arts Stream wei daw wai won ya kiwi ki stream ha ki snem wow wan.

Share this:
Previous

Maham ka Dorbar Chnong Mutong ya kiwa thang khiar ya ki khloo

Next

Da wai ya ka yaaw ka Meghalaya ha ka IITF-2017