Ha ka sien wa nyngkong da pynhiar ya u slap kyndeh ha Jaipur

I pyrchang wa nyngkong namo ka Pilot Project wow pynhiar ya u slap kyndeh namo u Artificial Rain deiwa pynemkaam ya ki Drone, da leh ynnin ha Jaipur da ka thong wow pynmiat ya ka Ramgarh Lake wei wow pynjhieh ya ki thaw wa raw ha Rajasthan.

Ya ini da yahkhmat da u Montri ka chnat Agriculture, u Dr. Kirori Lal Meena, heiwa da man ka sien wa nyngkong ha India wow leh ya ka Cloud Seeding deiwa pynemkaam da u Drone wa Artificial Intelligence (AI).

Ya ini i sap da wanrah da ka karkhana na USA wa ka karkhana na Bengaluru wa tip kam ka Gen X AI, wa pynemkaam ya ka AI wa tip kam ka “Hydro Trace” wow jied ya ki thaw wa ki la’oh wow leh ya ka Cloud Seeding dei yarap na ki Satellite Images wa Sensor.

Mar ya chem ya ki la’oh wa i man i long i bneiñ, ki Drone da brait ki ya i lakhit namo Cloud Seeding (wa kynthup ya i sodium chloride) wow yarap wow lang ki umslap.

Related posts

Sdang ka sorkar da ka ASPIRE yow yarap ya kiwa yaleh NEET, JEET hadooh kiwa yaleh kreh sorkar

March 30, 2026

U tympra phrai ya iwa emkaam ka Iran chwa u liwan ka US lada ym kohngooh ki: Trump

March 30, 2026

Kani ka Mission toh kawa 60 sngi heiwa daw pynhær ya ki drone 60 sien iwa chong won ha i man i long i bneiñ.

Daw bichaar bha leh ya ka yukheiñ na ka India Meteorological Department (IMD) heipor wa leh ya ka Cloud Seeding.

Kani ka Project man ko leh kawa da yohbor na ka Directorate General of Civil Aviation, Agriculture Department, Meteorological Department wa ki bor District.