Ki pulit ka East Jaiñtia Hills ynne i step synyaaw ka sngi nyngkong u snem thymme heipor kamwa 3:00 waje da yoh ki wow kem ya uwi u bru wa khayi drugs ha Khliehriat uwa da kit yei drugs Heroin wa chongdor Rs. 6 klur.
Ki pulit hadien wa da tip tikna ki wa uni u bru wa tip kam u Afjal Hussain Borbuhain daw wan u da kawi ka kari deilang wa kini ki mar drugs na Silchar, Assam heiwa ka kari wa pynemkaam u toh ka Maruti Swift wa em Number ML- Q-1702, kamtæ da booh thaw pynsangeh kari ha Khliehriat Police Station.
Hadien wa kynreh ya ka kari u, da chem 66 tylli ki khieh sabon wa em 655 gms i drug Heroin iwa da pyntikna hadien wa leh yei Test.
Uni u bru toh uwa na Katigorah Silchar, Assam wei na oo da kem leh ar tylli ki Mobile Phone wei yaka takit da pynman da ka Khliehriat Police Station yow chem ya kiwi de kiwa emkti ha ini i kaam.
Discussion about this post