Shillong: Ka lehwarom ya ka sngi World Tourism Day hajrong ka phang, “Tourism and Digital Transformation” da leh ya ka ha State Convention Centre, Shillong heiwa u montri rangbah ka jylla, u Conrad K Sangma kam u kongsan hei emlang u montri ka tnat uiñke suwari namo ka tnat Tourism, u Metbah Lyngdoh, Principal Secretary Tourism, ka R.V. Suchiang, Director, Tourism, u C.V. Diengdoh, wa kiwi kiwi.
U Conrad hawa e yei klam da ong u ka yoh ka la man ko kawa kongsan tam ka bynta ya ka sorkar deiwa pynksan wa pynchlur ya ki bru samen wow seiñ khih ki wow ku ka jylla liang wanang.
U Conrad da ong u wa ka yung krehkaam yong oo da rai ko wow pynman da ka ‘Entrepreneur of the month’ programme heiwow jied ya ki bru samen ki wow yoh yarap na ka sorkar ki wow yarap won wow pachat ya ki yumut wa thymme hei rukom krehkaam.
Da ong u wa ka sorkar ye bha ko wow pynemkaam ya ka kaam uiñke suwari wow pynku ya ka yoh ki paidbah deiwa pynrap wa emkaam wow tip won kammon u pynlai yaaw ya ki mar wa i chakri wa e ki.
“Ka kaam uiñke suwari (tourism sector) emkaam bha wow yakrehlang ko wa ka Digital Social Media kam ka Facebook i wow yarap wow pynku ya kani ka kaam,” da pynrap u Conrad.
Chooh chooh da ong u wa emkaam wow tip ha kiwon ki bynta wa kiwa wan uiñke u pynlut ya ka poisa yong ki i wow yarap ya i yoh lap ha kani ka kaam.
Ha kani ka sngi da pynlait paidbah u leh ya ka kot wa tip kam ka ‘MEGHALAYA RIVERS’ wa thoh da u Joe Rea-dickins, u Dan Rea-Dickins wa u Zorba Laloo.
Da e sñiawbha leh ya ki chiphaw ngut ki bru samen kiwa chemphang wow seiñ khih kam ka dak wow pynchlur chooh chooh ya ki ha kani ka bynta.
Chwa kini da em ka pynsñiawthooh hajrong ka phang ‘Digital Skilling with Facebook and WhatsApp’ wa ka ‘Adventure Tourism’ ha kawa da wan chimbynta da ki bru samen wa ki seiñbhalang.
Discussion about this post