Shillong: U montri rangbah ka jylla, u Conrad K. Sangma ynne da chimbynta u ha ka World Economic Summit ha Taj Diplomatic Enclave Hotel New Delhi heiwa da pynman ya ka phyllu yumut hajrong ka phang “Union of States”.
U Conrad da ong u wa hanlada ka India man ko kawi donhi ka ri tangwa jar jiar ki thaaiñ em ki ka yong ki hi ka eh ka khoo wei yaphær ki nawi chawi.
Da ong u wa kawi pa kawi ka jylla emkaam u pynemkaam ko yei bor wa em ha ka, da ong u leh wa ka jylla ye ko u sñiaw yaphær waka sorkar pyrdi tangwa emkaam wow kreh ya ka bynta kawa khlan i. Da ong u waka Meghalaya, daw sdang noh ko wow pynkrehkaam ya ki ‘Smart Villages’ wow pynemkaam ka stat wa katni wow kyntu kynrong yei rukom im ha ki chnong.
Da yaklam leh hajrong ka phang “From Kashmir and Kanyakumari to Kohima and Kutch, India is witnessing one of the largest national urban transformations of the 21st century. How can cities, states and regions advance structural reforms, address inequality and be engines of growth?”
Ki bru chemphang wa da em ha kani ka yaphyllu kynthup ki ya u Mekapati Goutham Reddy, Minister for Industries, Commerce and Information Technology, Government of Andhra Pradesh, Amarinder Singh, Chief Minister ka Punjab, K.T. Rama Rao, Minister for IT, Industries, Government of Telangana wa u Kamal Nath, Chief Minister ka Madhya Pradesh
U Conrad da batai yillu u hajrong ki Smart Village heiwa daw jied 100 tylli ki chnong wow pynkrehkaam ya ka khnang wow pynmiat ya i rukom im ki bru ha ki chnong wa em cha palat sor.
Ka World Economic Forum toh ka rynsan ka wow yaklam yaphyllu yumut hajrong ki kaam wa ye u wanrah yei kylla ha kiwa boon ki bynta wei da sdang ya ka ha u snem 1971 wei ka yung krehkaam wa khlieh dooh yong ka em ko ha Geneva, Switzerland.
Discussion about this post