Ha ki bnai wow wan u sdang chna biang ya ka Iawmusiang: Conrad Sangma

Jowai: Ynne ka sngi u montri rangbah ka jylla u Conrad Sangma hadien wa kut ka yalang Cabinet ha Jowai, chong yalang u wa u montri ka chnat PWD u Comingone Ymbon, ki MDC ka JHADC hapoh i yahkhmat u CEM ka Council, u Thombor Shiwat wa u MLA ka Jowai u Wailadmiki Shylla.

Ha kani ka yalang da chim ya ka rai wa ka sorkar jylla u sdang ko u pynkreh ya i kreh wa dang sah ka Shopping Complex ha Iawmusiang.

U Conrad hawa yaklam wa kiwa pathai khubor da ong u wa da sah i kreh ha kani ka yung neidaw wym pynlait poisa de ka sorkar pyrdi lyngba ka NLCPR.

Da ong u wa katkam wa man katni emkaam sa kamwa T. 12 klur tam wow pyndep ya kani ka Shopping Complex wei kat dang pynkreh ya i kreh, i yaklam wa ka sorkar pyrdi leh daw pteiñ i hajrong ini i kaam wow yoh ya ka poisa wa dang sah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa katni dang pynbait ya i kaam wa ka chnat PWD wa ka Council nadooh i kheiñsap ya i lut, ki kot ki sla wa kiwi kiwi.

Hawa kylli mynnu u ye u sdang ya i kreh, neiliang u Conrad da ong u wa yooluti u wa i kreh u sdang i ha ki chi bnai ar bnai wow wan.