Ha ki sngi wow wan daw bichaar kammon wei mynnu u chah biang ya ki yaw u wai ki: DC

Hadien wa mih ka khubor wa pynmih da ki ar seiñ ynnin ka sngi wa ong wa kular u DC ka West Jaiñtia wow chah wow wai noh ki yaw nadooh ka 21 tarik uni u bnai, neiliang u DC ka District, u Garod LSN Dykes da kyntait u yeini deiwa pynche wa ynnin ka 14 tarik da yoh yutip u wa em ki bru wa kwah wow wai noh ya ki dukan yong ki ha Iawthymme, Jowai wei ini da man i pyrchah ya ka hukum wa da pynmih da ki bor ka District wei da khut ya kini ki bru wow yaklam ya ki wa oo. 

U Garod da pyntip u wa ha i yaklam da pynsñiaw ki ar seiñ yei chitom wa yachem ki bru wa chong dukan neidaw wa hap khang ya ki dukan yong ki, heiwa da ong u wa katni dang bichaar ya i man i long kani ka khlam neibhah ka District wa ka sorkar da pyrkhat ko wow elaad wow chah u sdang u wai biang ki wer pa wer wei ha ini i yaklam da em i sñiawthooh bakla na ki kattu katni ngut wa ong wa u DC da kular u wow chah biang u wai ki dukan dukdoh nadooh ka 21 tarik. 

Chooh chooh u Garod da ong u wa katni dang bichaar ya kiwa yoh ya u COVID-19 wei ha kani ka tayaw daw pyrkhat kammon wei yeiyi de u chah wow wai ki dukan neibhah wot ka rai ka sorkar jylla leh da chah ko wow wai du 20% ki dukan ha ki yaw ha waroh kawi ka jylla deiwa pynrap wa i sñiawthooh wow chah u wai ki dukan da ka Odd/Even leh da man ko kawa bakla wei ha ka sngi wa daw rai wow chah wow wai biang ki yaw wot ya ki kari kamai leh u chah noh u kamai ki deiwa bood ya ki kyndon.

Da pyntip u leh wa da thoh cha ki Committee wa pynlai ya ki yaw wow lai pait lai sylli yei man i long ha ki yaw yong ki ha ka 16 tarik khnang wow pynkhreh kammon wow leh manda chah biang wow wai ki dukan. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Lada wai ya ki yaw leh daw booh ya ar tylli ki kyndon kiwa kynthup ya ka kyndon wa ki tre dukan/chongdai toh u dep ki u chim chisien ya i tika yada COVID-19 wei sa kawi won ka kyndon won toh lada ym em yoh tika toh u leh ya ka RT-PCR hapoh 48 kynta kawa man Negative heiwa kani ka jooh ka kyndon u krehkaam ko ya ki kari kamai heiwa emkaam wow biah ya ka Certificate ha yit (Windshield) wa dadep chim tika COVID-19 næ ya ka Negative RT-PCR Report.