U Montri Rangbah ka jylla, u Conrad Kongal Sangma da ong u wa ha ki sngi wow wan ki paidbah daw yoo ki ya kiwa boon ki phang wa ktah bha ya ki paidbah kiwa daw ye u pynbait noh wei daw ye u chim rai noh kiwa da sahteiñ kiwa da pynjynjar ya ki paidbah wa ya ka jylla, kini phang kiwa emkaam kiwa ki paidbah tip wei em leh ki wym pu tip.
Hawa klam ha ka yalang ha Mawlai, u Montri Rangbah da ong u leh wa ka sorkar MDA da chem ko ya kiwa boon ki eh ha ki soo snem wa da lai luti tangwa da booh hakhmat yei myntoi ki paidbah neibhah wa em ko neibynta wow chakri ya ki paidbah.
Da ong u wa ha ka suk ka saaiñ ka sorkar da yachem ko yei eh, tangwa da rai wa lada man kammon kammon leh ka kwah ko wow yaklam pynbait neibha ki paidbah kiwa yakhih toh ki payu para, wei ka sorkar ym kwah ko wow pynyoo dei bor wow wanrah yei dooh ki mynsien lane wow pynmynsoo tangwa wow pynbait du deiwa yaklam.
Da ong u wa kam kiwa yahkhmat kiwa man du kam ki bru, ye ki wow bakla wei emkaam yei mynsien wa i bor pyrkhat wow pdiang leh teiñ teiñ yei bakla.
U Conrad da ong chooh chooh u wa kani ka sorkar da chim ko yei rai wa kiwi kiwa yahkhmat ym nood ki, neibhah i tieñ wa yoh chah ktah ha i kaam saiñpyrthai, nadooh ka kaam pynbait khappood, tangwa kani ka sorkar ka klam che ko wa toh u chakri ya ki paidbah khlem da pyrkhat yei chah ktah hadien ha ka saiñpyrthai.
