Ka Jaintia Coal Owners, Miners, Suppliers & Workers Association (JCOMSWA), ynne da pynman ko ya ka lai paidbah nadooh na Ladrymbai Dongwah chadooh cha yung krehkaam u DC ha Khliehriat kam chibynta wow dawa wai noh ya u mooyong.
Manda poi ha thaw psiah cha ka yung krehkaam u DC, da em ki bor District kiwa da khang ya ka Gate yow lait u psiah chapoh.
Ki paidbah wa boon da chong noh ki ha pyrdi sarok ha Khliehriat hakhmat ka Gate ka DC Office.
Hawa yaklam ki dkhot ka JCOMSWA wa ki bor District da ong ki wa ki da hap ki wow chong ha sarok lada ym wai yow psiah ki chapoh yow chong ki.
Hadien ini da khut ya kiwa yahkhmat wow yaklam hajrong ki phang wa dawa ini i lai paidbah.
Kam wow pynkynmoo wa u DC da pynkrehkaam u da ka Section 163 ka BNSS yow khang yei yalang paidbah ha kani ka thaw.
Discussion about this post