Kynmoo warom ka Seiñraij Jowai ya ka lyngkhooh sngi khlaad u Ma Kambel Shullai

Ynne ka sngi, ka Seiñraij Jowai da kynmoo warom ko ya ka lyngkhooh sngi khlaad u Ma Kambel Shullai ha Madan Kñia Pyrkhat heiwa da em ka yalang wa pynlai da ka Warika Sumer kawa man ka Asst. Secretary ka Khynroo Khyllood Committee.

U Ma Kambel toh uwa chem wei pynwandur ya ka Khnap Thang-bru namo ka Eco Friendly Crematorium wei ynne man ko ka lyngkhooh sngi khlaad wa 14 snem yong oo.

Da yoh yei kyntien ngoohblai na u Wandaoo Lakiang uwa man u Maji ka Raij Jowai kamjooh i booh syntu ha u mot sahnaam u Ma Kamble wa em ha Khnap Thang-bru, Dulong Pohhali.

U President ka Seiñraij Jowai, u Hercules Toi hawa e i klam da ong u wa u Ma Kambel man u uwa yahluti wei man u kam ka nongmuna ya ki khynroo khyllood wow bood ki heiwa u leh ki ya ki kaam wa bha wa man paka wei kiwa janai.

Related posts

Ka patok man ko ka skurbah ong ka KSU hadien wa yoh jamin waroh ki dkhot ka seiñ

October 30, 2026

Kyntait u SP ka East Jaiñtia Hills yeiwa mih khubor wa em 5 ngut kiwa yap nei pdung ka krem mooyong

October 30, 2026

Da kyntu u leh ya waroh wow man kiwa puræ bñiah ya ki kaam khnang wow man kiwa tip wa stat wei chemphang.

U Dolloi ka Elaka Jowai, u Puramon Kynjing da ong u wa u Ma Kambel ymtoh uwa maya du kat ya ki bru tangwa wot ya ka mariang neibhah lada ym chem u ya ka Khnap Thang-bru ymtip de neiwon u yoh ya ki dieñ thang hadooh wow thoh dieñ na jngai.

Ha kani ka sngi da yoh i kyntien pdiang burom na u Kyrshanlang Kharbuki, Chairman ka KKC, i klam na u P. Shullai wa ki kyntien na u Sajonksiar Langdoh, Secretary ka KKC.