Uwa yahkhmat ka UDP, u Bindo Lanong uwa man leh kam u MDC ka KHADC, da ong u wa ha u 2023 ka sorkar wow synchaar toh u man ko na East Meghalaya wei yeini da ong u haka yalang pynskem wa kitkaam ka UDP Primary Unit Jowai Circle wa da pynman ha Dulong, Jowai ynne ka sngi.
Da pynkynmoo u wa ha u 1998, ka Ri-loom Jaiñtia da e ko da ki MLA ka UDP na waroh 7 tylli ki Constituency wei oo kat cha wa lai u da ong u wa emkaam wa ha u 2023 ka sorkar wa synchaar toh u man ko naka thaaiñ mihsngi ka jylla.
Da ong u leh wa katni toh ka por wa maa bha ya i kam ki bru khian paaid neibhah ka sorkar BJP u Modi da thmu ko wow phah klam Hindi wei wow phah puræ Hindi ha ki skur hadooh wa poi Matric katwa u Modi katni dang sikai u wow klam English.
Da kdaw u leh yei thmu wow wanrah ya ka rel ha waroh ki jylla ka thaaiñ mihsngi heiwa dapoi ka rel cha Tripura wa cha Mizoram wei da kwah won katni wow pynlai rel na Shillong-Jowai hadooh wa poi Mizoram wei ini toh em i thmu wa cha jngai.
Heiyatoh wa u mooyong da ong u wa ha u 2012 da wanrah ya ka Mining Policy, kamtæ da emkaam wow tih mooyong katkam ka aiñ ym toh de wa iwa katni.
Hajrong ka Election MLA, da pynsñiaw u wa kmen u wow yakhun wa u Dasakhiat Lamare na Nongkrem uwa da yut na Mawhati.
