Ha u CEM ka JHADC dawa ka AJSU wow pyndep noh ya ka Iawmusiang Market Complex

Jowai: Ka seiñ All Jaiñtia Students’ Union, Seiñbei deiwa emlang u President u Eleazer C Dkhar wa u Working President u P. Phawa wa ki dkhot yong ka seiñ da lai yachem ki ya u A.A. Shullai, CEM ka JHADC yow li e dorkhat yow kyntu wow chna pyndep smat ya ka Iamwmusiang Market Complex.

Ka seiñ da ong ko wa neidaw wa slem wow chna pyndep yaka kani ka Complex da ktah ko ya ki paidbah kiwa chong dai cha rood sarok wei da chah pynchitom ki ha ka Municipal man i por neidaw wym yoh thaw chong dai ki da iwa biang.

Ka seiñ da pyntip ko wa neiliang u CEM da ong u wa ka Council da pynbiang lut ko ya waroh kiwa emkaam katkam wa kwah ki bor wa haneiñ yow yoh ya ka 2^nd Installment kawa man kamwa T. 6.33 Klur wei da ong u leh wa dadep e dorkhat u ha u Kiren Rijiju u Montri Khynnah ka ri heipor wa wan sakhi u ya ka Nartiang Puja ha uni u bnai wa da dep.

Kamtæ ka seiñ da kyntu ko ya ka sorkar bei wa yahkhmat ka BJP wow pyrkhat ko yei eh i khoo ki paidbah wow pyllait ya ka poisa wa dang sah yow ye u chna pyndep ya kani ka yaaw wei ka seiñ ym chong kli kti ko wei daw e dorkhat ko leh cha u Montri ka sorkar pyrdi neibynta kani ka kaam.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025