Ha u CEM ka JHADC lai pynkynmoo ka Dorbar Waheh Kur Ri Jaintia yei e por

Hadien wa ka Dorbar Ki Waheh Kur Ri Jaiñtia ha ka yalang wa da pynman ha ka 13 tarik uni u bnai ha Yungwalieh ka Dorbar Chnong Chilliangraij, Jowai, da chim rai ki wow e por biang ya ka JHADC sa 15 sngi itæ nadooh ka 15 tarik uni u bnai hadooh ka 30 tarik wa kut bnai, khnang wa u CEM deilang ka EC yong oo u chimkhia ko ya ka mat dawa ki heiyatoh u wanrah noh ko da ka aiñ wow tipmit ya ki kur wa e jait cha ka bei deilang ki seiñkur, ki waheh kur wa em hapoh u pood ka District Council.

Wei lada hapoh kini ki 15 sngi ym leh ki iyi iyi, pyntip ki wa ye ki u mih sarok hajrong kani ka mat dawa.

Kamtæ heiyatoh wa kani ka rai, ynne ka sngi da lai e dei thoh ha u Thombor Shiwat, CEM JHADC, deiwa pynsñiaw leh i diaw yei wym jubab næ khut yaklam u ya ki heiyatoh waka chithi kyrpaad wa da phah neiliang ka Dorbar Ki Waheh Kur Ri Jaiñtia neibynta u yada, u chngaaiñ waroh ki jait ki kur wa hiar pateiñ na ka bei kiwa em hapoh ka JHADC kamwa da e bor da ka 6^th Schedule ka riti synchaar ka ri India.

Related posts

Dawa kiwa rep ka Shnongrim wow pynman yei takit wa khlem leh chiliang | E khublei leh ya ka KSU

August 27, 2026

Jop ka H K Singh Memorial Secondary School ya ka District Level Science Seminar ka West Jaiñtia Hills

August 27, 2026

Kamtæ ka dorbar em ko i chaniah i yooluti wa kiwa yahkhmat ka JHADC wow sñiawbha pynkrehkaam smat noh yeini i kyrpaad hapoh ka 30 tarik uni u bnai yow lait u mih sarok ki waheh kur, neibhah toh ka aiñ wa da em chwa sah sa du wow booh ryntih donhi deiwa chimkhialang ki MDC.