Kyrchaan ka Synjuk Waheh Chnong EJHD yei yakhih ka Jaiñtia Coal Miners and Dealers Association

Ka Synjuk Waheh Chnong East Jaiñtia Hills District da phah ko ya ka chithi cha ka Jaiñtia Coal Miners and Dealers Association (JCMDA) East Jaiñtia Hills District yow e yei kyrchaan wa puræ yei yakhih yow wai biang ya ka kaam tih wei chalan mooyong.

Da kyrchaan leh yei dawa wa ka sorkar jylla u chna noh ko ya ka ‘Mining Plan/Policy’ wa thymme yow ye u khih mooyong da kiwa khian wei kawa yahaap wa i rukom man ka thaaiñ Jaiñtia Hills.

I dawa pynkylla ya ka kyndon wow pynhian ya ka 100 Hectare cha ka 4 Hectare i thaw wa emkaam u tih mooyong neibhah ka aiñ MMDR Act leh chah hi ko wow e Mining Lease ya ki thaw tih wa 4 Hectare.

Neitæ i tih mooyong deiwa sumaar ya ka rymaw deiwa tih da ka rukom wa stat wei deiwa leh da ka Scientific Mining da ka rukom Rat-Hole Mining kawa da pynjanai, u leh ya ka Mine Reclamation wa ka Mine Water Management katkam wa da booh kyndon ka sorkar pyrdi.

Related posts

Dawa kiwa rep ka Shnongrim wow pynman yei takit wa khlem leh chiliang | E khublei leh ya ka KSU

August 27, 2026

Jop ka H K Singh Memorial Secondary School ya ka District Level Science Seminar ka West Jaiñtia Hills

August 27, 2026

I pynsangeh noh yei pyntieñ wei kem ka sorkar wei leh embor pyrchah ya kiwa kreh mooyong kiwa khian wa nai hei pyrtuid ka NGT katwa ka sorkar dang pyrchang ko wow thooh laad katkam ka aiñ deilang wa kiwi de.

Ka Synjuk Ki Waheh Chnong EJHD da kular ko leh wow emlang chirup ha man ki yalang paidbah, ki yachem sorkar wa ha kawon kawon ka yakhih kawa ja-jai wei kawa yahaap wa ka aiñ wei wow ya krehlang yow pynsñiawthooh ya ka sorkar heiyatoh wa i im ki paidbah ka Jaiñtia Hills.