Kat dang mih ki sngi, ki paidbah ka chnong Jowai da chem chitom bha ki khamtam heiyatoh wa i eh i khoo wa mih hadien wa sangeh syndet ka Jowai Municipal Board (JMB) wow lai thooh jhep na ki yung ki bru kattu la kamwa chi tayaw.
Kamtæ dei mynsien wa khia, u MDC ka Jowai Central, u Andrew Shullai wa ki Waheh Chnong kiwa napoh ka Jowai Central ynnin ka sngi da lai yachem ki ya u DC ka West Jaiñtia, u Garod LNS Dykes wow yaklam hajrong ini i kaam.
Hadien wa kut ka yalang hawa yaklam wa u Andrew da pyntip u wa i yachem wa u DC toh wow pynsñiaw yei eh i khoo ki paidbah neibhah wa kat dang mih ki sngi i jhep dang lang i ha yung yong ki wei da kyntu ya u DC wow pynbait smat noh ya ini i kaam ka JMB.
Neiliang u Garod da pyntip u wa dang yang ya ka chithi na ka JMB hajrong ini i kaam khnang wow ye u leh yeiwa emkaam deiwa kular u leh wow chimkhia yeini.
