Shillong: Ki MDC ka United Democratic Alliance (UDA) ha Khasi Hills Autonomous District Council (KHADC) ynne ka sngi da lai ki wow rah yei soi ki 16 ngut ki MDC katai ka kynhun wow pyntip cha u Lat ya i em paaid ka UDA ha KHADC.
Hawa klam wa ki laad pathai khubor, u Pyniaid Sing Syiem da pyntip u wa ha ini i yachem, ka UDA da pynyoo ko du yei boon paaid ha u Lat.
Da ong wa ka UDA kwah ko wow pynyoo ha u Lat ya i boon paidbah wei kattu u chaniah ha i stat yong oo won wow phah khut næ ym phah yaka dorbar kyrpang wow pynyoo bor. U Pyniaid da kyntait u yei kam ka UDF wa u MDC ka Congress na Mawkyrwat, u Batskhem Ryntathiang da lai uiñ biang u cha katai ka kynhun, deiwa ong wa ya u Ryntathiang wa ka Kharpuri da pyntipmit kyrpang ha u Lat wa ki em ki waka UDA.
Da pyntip u wa ha kani ka yachem, neiliang ka MDC na Nongshken, ka Grace Mary Kharpuri da ekti ko da i thoh ha u Lat wa ka kyntait ko wow pdiang ya ka chuki Dy. CEM wa da tyrwa da ka United Democratic Forum (UDF).
Hawa kylli hajrong i pynmih hukum ka High Court khamtam hawa phah ya u Secretary ka Raj Bhavan wow phah noh ya ki pyruitd yong ki 4 ngut ki Executive Member, u Pyniaid da ong u wa ka UDA ka pdiang ko ya ka hukum wa da pynmih da ka HC, wei kam ka kynhun daw leh ko yaka yong ka hi ka kaam neibhah ym ye wow man wa ya ka Executive Committee u pynlai da ka liang kawa duna paaid.
Discussion about this post