Ha u loom wa seiñ ya ka chnong Jowai pynman ka Seiñraij ya i thung dieñ

Ynne ka sngi kam chibynta yong ka sngi wow pynneh ya ka Bei Rymaw namo ka World Environment Day, neiliang ka Seiñraij Jowai lyngba ka Land Committee da leh warom ko ya kani ka sngi dei thung dieñ ha Loom Mookhai.

Ha kani ka sngi chwa wow pynman ya i thung dieñ da em ka yalang heiwa ka Tourism Officer ka West Jaiñtia Hills, ka SD Shylla da man ko kam ka kongsan.

Ya ka yalang da pynlai da u Dolloi ka Elaka Jowai, u Puramon Kynjing heiwa u Pator ka Elaka Jowai, u Raymond Nartiang da e u ya ki kyntien ngoohblai. 

U President ka Seiñraij Jowai, u OH Toi hawa e yei klam da ong u wa i daw wa lehwarom ya kani ka sngi ha ini i thaw toh wa man i thaw wa seiñ ya ka chnong Jowai heiwa ki soo ngut chi payu kitæ ka Bon, ka Teiñ, ka Wet wa ka Doh da wan ki ha uni u loom wei katwa kamtæ emkaam wow pynneh pynsah ya ini i thaw.

Chooh chooh da khana u wa ka mat pyrdi yong kani ka sngi dei ktien para ong i “Land Restoration, Desertification and Drought Resilience” iwa mut wow pynneh pynsah wei wow pynim ya ka ramaw.

Ka SD Shylla hawa klam kam ka kongsan da ong ko wa dap ko dei kmen wow embynta ha kani ka sngi kawa man i sdang ya i lehwarom yong ka chnat uiñke suwari ya ka World Environment Day.

Da pyntip ko leh wa ka chnat ha uni u snem daw thung ko 4,000 tylli ki tre dieñ ha kylleiñ ka West Jaiñtia Hills.

Related posts

Ngooh u Modi ya ki paidbah ka West Bengal

May 9, 2026

Nadooh i kynmoo warom ya kiwa yap heipor Election, i tba u Modi yei kjat uwa 98 snem ha ka baam smai u CM wa thymme ka West Bengal

May 9, 2026

Da ong ko leh wa ka chnat yong ka toh kawa choon bha yei jhep, wei sñiawsih ko wow yoo manda mih ki khubor heiyatoh wa i jhep ha Jowai.

Chooh chooh da kyntu ko ya ka Seiñraij wow pynmiat ya ki thaw yong ki khnang wow ye chooh u riñ ya kiwa uiñke suwari.

Neiliang u Secretary ka Land Committee, u Lammat Oo Laloo da e u ya ki kyntien khublei, wei ha kani ka sngi da thung hadooh 300 tylli ki tre dieñ.