Ynne ka sngi, kawa man leh ka sngi kyrpang ka Bei Ramaw kawa da tip hei ktien para kam ka “World Environment Day”, neiliang ka Greentech Foundation (GTF), Jaiñtia Hills Division, Meghalaya da chim ko yaka laad wow pynman yei thung dieñ ha Ummulong.
Hachwa wow thung dieñ da em ka yalang kawa tbian kawa pynlai da ka Fidialin Suting wei da yoh ya ki kyntien pdiang na u Principal ka Ummulong Presbyterian College, u Dr. A.J. Lymba.
Yei klam pynche ya ka phang yong uni u snem wa ong “Land restoration, stopping desertification and building drought resilience” da e da ka Deirisa Joy Sutnga, Volunteer GTF.
Ka Greentech Foundation, Governing Body da e ko yei sñiawngooh ya ki Volunteer ka Greentech Foundation, Jaiñtia Hills Division, kiwa da chimkhia ya ki kaam kamjooh wow pynman ya kani ka sngi kawa jop.
Dap ko leh dei sñiawngooh ya ki khynnah skur yong ka Ummulong Presbyterian College, nadooh u Principal, kiwa sikai, ki khynnah wa lai puræ, ki lok najan na jngai, kamjooh ya waroh kiwa da embynta lang wow yarap pynneh pynsah yei miat i yirngam ka ramaw.
Discussion about this post