theme-sticky-logo-alt
theme-logo-alt

Ha u Naikhynde booh thong ka sorkar wow wai ya ka Meghalaya Legislative Assembly Building

U Speaker ka Meghalaya Assembly, u Metbah Lyngdoh da pyntip u wa ka sorkar da yaleh ko wai noh ha uni u Naikhynde ya ka yung dorbar wa thymme namo ka Meghalaya Legislative Assembly Building wa em ha Mawdiangdiang hapoh ka New Shillong Township (NST).

U Metbah da pyntip u wa yei chna da booh wow pyndep ha u Naiynñiaw, u pyrchang yei krehkaam waroh iwa em ha u Naisaphra wei wow wai syndon ha u Naikhynde.

Da pynsñiaw u leh yei sñiawkmen ya i kreh wa dadep deiwa ong wa i chna iwa sah wa emkaam bha u pyndep toh i tnoom (Dome) iwa sah sa u tymmoh wei wow pynyieñ ya u Minar uwa man kam u chrot wa em hakhlieh dooh kani ka Dome heiwa yeini kamwa 75% toh iwa dadep wei daw pyndep ha ki tayaw wow wan.

U Speaker ha kani ka sngi da yachem u leh wa ki heh ki chnat sorkar kam ka Public Works Department (PWD), ka Meghalaya Power Distribution Corporation Limited (MePDCL), ka National Informatics Centre (NIC), Forests and Environment wa kiwi de. Wei hadien kani ka yalang da pynsñiaw u yei sñiawhun yei kreh yow pyntikna wa daw ye u pyndep heipor wa da booh.

Heiyatoh waka poisa wa toh u yoh naka sorkar India yow chna ya kani ka Assembly Building, da pyntip u wa da em i yaklam waka Finance Department ka sorkar pyrdi wa u Prime Minister ka ri, u Narendra Modi wei sñiawskem u wa daw yoh ya ka T. 100 klur ka poisa yarap naka sorkar pyrdi.

Share this:
Previous

Pynlait u Sniawbhalang ya ka kari ka IVCS Mynsngat

Next

T. 10 lak e yarap u Sniawbhalang cha ka Balang Presbyterian Mynsngat