theme-sticky-logo-alt
theme-logo-alt

Pynlait u Sniawbhalang ya ka kari ka IVCS Mynsngat

U Sniawbhalang Dhar, u Montri sorkar wa pait ya ki kaam pynroi sor wa kiwi de, ynne ka sngi da pynlait paidbah u ya ka kari Bolero Pickup cha ka IVCS Mynsgat haka chnong Mynsgat.

Kani ka kari toh kawa da yarap pyndap poisa da u Sniawbhalang Dhar wei hachwa u pynlait paidbah ya kani ka kari da em chwa ka yalang wa tbian hapoh i pynlai u Waheh Chnong ka Mynsngat, u Linusphrangki Phawa deiwa emlang ka Secretary yong kani ka IVCS (Integrated Village Cooperative Society) Mynsngat ka Sabrina Sungoh, u Secretary Chnong ka Mynsngat, u Precious Pale wa ki manbei manpa yong ka chnong Mynsgat.

Neiliang u Sniawbhalang Dhar da pynsñiaw u yei sñiawkmen wa em kam kani ka Society hapoh Constituency heiwa ki warep u yoh myntoilang ki lyngba yong ka kamjooh leh u yoh ki u pynemkaam ya kani ka kari yow kit ya ki mar rep.

Neiliang kiwa pynlai yaka IVCS da e khublei kyrpang ki ya u Sniawbhalang Dhar wa da ye u pynyoh ya kani ka kari khnang u yoh myntoi ki warep yong kani ka thaaiñ.

Share this:
Previous

6 tylli ki District wym em de kiwa dang chah ktah ha Meghalaya

Next

Ha u Naikhynde booh thong ka sorkar wow wai ya ka Meghalaya Legislative Assembly Building